影片
更多
2022-12-16
128 瀏覽
《喰樂 - 觀塘》自從上次食過壽喜燒之後，一直都念念不忘想再食😌所以今次又係約咗車車 @kchelseapy 去咗觀塘既一間佢食過而又超推介嘅關西風壽喜燒專門店💁🏻♀️店舖位於駱駝漆大廈，其實都好易搵，不過記住要早少少打去預約，因為店舖位置真係唔多當晚，我同車車兩個都係叫同一個套餐-B餐日本產A5 和牛，人均$500 但有好多野食，淨係講前菜已經有三款，牛肉每人有六款唔同部位，仲有蔬菜拼盤、白飯任裝，最尾仲要有個炒飯同埋甜品添😂絕對夠一個人食到飽飽前菜💁🏻♀️自家A5和牛餃子第一款前菜係熱食嘅和牛餃子，可能和牛本身較肥美，食落有分好充足同埋好香牛肉油花味，好想知有無得外賣生餃😂💁🏻♀️拖羅魚蓉最終餅第二款店員介紹係用左米餅做底，上面就好似壽司咁一層層，先係壽司飯，再放拖羅魚蓉同三文魚子，本身魚子已自帶咸味，一啖放曬落口食就最正啦💁🏻♀️泡菜大根店員話泡菜係用黎清下味蕾，因為接住就係食壽喜燒既時候啦😍btw個泡菜其實幾脆幾好食😋💁🏻♀️蔬菜拼盤圖中既係兩人份既蔬菜🥬全部都係啲嗦味既食材，特別推介芋絲同豆腐，沾滿醬汁既食材超濃味，好適合送飯呀💙另外要提下個自家調製既壽喜燒汁，經慢火煮過會越
自從上次食過壽喜燒之後，一直都念念不忘想再食😌所以今次又係約咗車車 @kchelseapy 去咗觀塘既一間佢食過而又超推介嘅關西風壽喜燒專門店💁🏻♀️店舖位於駱駝漆大廈，其實都好易搵，不過記住要早少少打去預約，因為店舖位置真係唔多
當晚，我同車車兩個都係叫同一個套餐-B餐日本產A5 和牛，人均$500 但有好多野食，淨係講前菜已經有三款，牛肉每人有六款唔同部位，仲有蔬菜拼盤、白飯任裝，最尾仲要有個炒飯同埋甜品添😂絕對夠一個人食到飽飽
前菜
💁🏻♀️自家A5和牛餃子
第一款前菜係熱食嘅和牛餃子，可能和牛本身較肥美，食落有分好充足同埋好香牛肉油花味，好想知有無得外賣生餃😂
💁🏻♀️拖羅魚蓉最終餅
第二款店員介紹係用左米餅做底，上面就好似壽司咁一層層，先係壽司飯，再放拖羅魚蓉同三文魚子，本身魚子已自帶咸味，一啖放曬落口食就最正啦
💁🏻♀️泡菜大根
店員話泡菜係用黎清下味蕾，因為接住就係食壽喜燒既時候啦😍btw個泡菜其實幾脆幾好食😋
💁🏻♀️蔬菜拼盤
圖中既係兩人份既蔬菜🥬全部都係啲嗦味既食材，特別推介芋絲同豆腐，沾滿醬汁既食材超濃味，好適合送飯呀💙另外要提下個自家調製既壽喜燒汁，經慢火煮過會越煮會越濃味，食落有點焦糖既味道，都幾特別
💁🏻♀️壽喜燒和牛
-西冷
第一道係西冷，食落肉味較重，比較有咬口但唔韌，鍾意食重牛肉味嘅話應該會好滿足，全程都有店員幫你燒，唔怕燒得過熟
-沙巴當
沙巴當又叫牛頸脊，食落口感較淋同埋軟熟，不過牛肉味依然係重既，但比起西冷就梗係西冷扒肉味重啲😉記住要點蛋汁食，冇咁罪惡感之餘個味道會更濃郁
-牛肩胛心
鍾意食和牛嗰種入口即溶嘅感覺的話應該會好buy呢一款，牛肩胛心既油脂勁豐富，本身燒嘅時候已經落咗壽喜燒汁，再點埋蛋汁扒啖飯勁正🫣個肉勁軟同好香油花味👍🏻必試
-牛板腱
又名三筋，因為佢塊肉上中下都有條筋，好明顯可以見到，食落有咬口，條筋位有啲煙韌，整體黎講肉味重，前一片咁勁油花，呢一件食番濃味少少都唔錯😉
-牛肩及牛上肩
店員接住連續幫忙燒好兩款和牛，牛肩相對黎講肉質滑少少，而牛上肩係當晚牛肉味最重果款，食落有𡁻口，纖維比較多而重口味，驚太漏就要叫店員幫你添飯啦
-雜炊炒飯
食完和牛其實都已經九成飽，點都估唔到最尾仲有個炒飯比我地😂炒飯入面有牛肉碎、海苔、什菌等食材，未放入口已經食到好香海苔味，炒飯質地較為濕，店員話呢啲叫雜炊，質地比平時食既白飯軟少少
💁🏻♀️豆腐味雪糕
最尾仲有一個甜品，我記得當時有三款雪糕選擇，我哋唔想咁油膩，所以揀咗豆腐味雪糕，希望可以解膩啦😅呢一餐超級滿足
總括，以呢個價錢食到咁多嘢同埋呢個質素真係超值，冇記錯餐廳分咗兩個時段，全程有店員幫你取消所有嘅食材，你只需要坐定定等食就可以，同埋店員會講解各款牛肉嘅食法，務求將各款食材最好食嘅，一面話俾大家聽😉絕對會encore嘅一間餐廳👍🏻
張貼
