燒肉屋 (清風街)

燒肉屋 - 超級抵食嘅午市商務二人前今日介紹一間位於天后區嘅日本餐廳，居酒屋嘅形式，主打板燒日式燒肉，亦有提供多款日式料理、自選丼飯。午市商務二人前 $399 （原價$530）日式麵豉湯、前菜可以無限添飲同添食!之後就有八爪魚柚子醬醋沙律，非常開胃。 主食可以任選兩份$88以下嘅午市定食，亦可補差價，午市定食有丼飯、烏冬、刺身丼、燒肉定食等等。我哋就揀咗韓式雞肉定食同埋蔥鹽流心牛肉丼飯。另外就有超長嘅日式牛仔骨或者四味五花肉，我哋揀咗後者，四味分別係黑椒、果汁、韓式醬同埋蔥蒜。最後仲包咗汽水同埋雪糕添。