影片
更多
2024-04-02
107 瀏覽
喺旺角行完街，時間尚早，決定搵一間邊爐可以慢慢食，就去到新之城對面嗰間叫二鍋頭邊爐。由於當時只係5:00 ，舖頭未有好多人，但係環境都非常之闊落同舒服，入邊嘅員工都非常之好客，去親自詳細咁介紹餐廳嘅套餐。而我就選擇咗最新推出嘅任食三款鍋底再加打邊爐，一人仲可以食足3小時，而星期一至日都有。咩叫食足三種鍋底我當時睇到都有個疑問，原來當中包括黑椒豬手、惹味雞煲、火焰牛尾煲、烤魚，四款煲都可以任食，以食完四款煲後，仲可以自選一款鍋底，再打邊爐，打邊爐食材都好多選擇，不但可以QR code落單，包括肉類海鮮類等等，仲有一啲食材較昂貴嘅食物可以自費加選，而且亦有不少酒類飲品可挑選。此外，餐廳亦有食物吧枱可以俾我哋任拎任食，當中包括不少丸類、蔬菜、菇類等等。而且有好多款飲品可以免費飲。最後亦有雪糕雪條可以食用。所以價錢非常之抵😋😋當我落單嘅時候，我都有啲擔心，驚叫咗其中一款煲份量太多，然之後咩都食唔到，但估唔到舖頭好細心，可以每一款煲嘅份量減半，而每款都可以試下。不過值得留意嘅係，魚煲係一條魚咁上，份量冇得減半。咁我首先叫咗最想食嘅黑椒豬手煲，嚟到嘅時候黑椒味非常濃郁，每一舊豬手都非常有肉，而且濃
當我落單嘅時候，我都有啲擔心，驚叫咗其中一款煲份量太多，然之後咩都食唔到，但估唔到舖頭好細心，可以每一款煲嘅份量減半，而每款都可以試下。不過值得留意嘅係，魚煲係一條魚咁上，份量冇得減半。
咁我首先叫咗最想食嘅黑椒豬手煲，嚟到嘅時候黑椒味非常濃郁，每一舊豬手都非常有肉，而且濃郁嘅汁包裹在每一個豬手上都非常惹味。試完豬手煲後，我馬上再叫咗惹味雞煲，舖頭真係好細心，唔會話是但加啲雞落去之前個煲度，就叫做新一個煲咁上，而係將成個煲咗。雞煲上到嘅時候，調味汁同之前嗰個完全唔同，但仍然非常之惹味，每一嚿雞件都有嫩口嘅肉食，唔會淨係得啲骨咩都冇得食。食完兩款煲之後，我已經擔心未到打邊爐已經飽，所以決定食，酸菜魚試一試，而我選了清江魚，因為見到菜單上表示比較少骨。上菜嘅時候，湯底非常之濃郁，魚有鮮榨過再上入酸菜湯底入邊，令到魚肉唔會咁易散開晒，當中鍋底入邊亦有唔少配菜配搭，令到唔使淨係食魚咁單調。由於當時已經試咗三款煲，我已經飽飽地，所以決定唔試牛尾煲，轉左豬骨湯底即刻打邊爐。
我點了牛扒鍵、鮮牛肉、以及一啲海鮮，每一款海鮮以及食材都可以一件一件咁樣叫，啱晒你需要食幾多就叫幾多😋😋每一樣食材都非常之新鮮，唔會話食到結晒冰先上菜。湯底方面,豬骨湯底聽個名好似好普通，但估唔到都做到咁出色，入邊有唔少配料，當中亦有豬骨、蕃茄、紅蘿蔔等，而且湯底潔白色，不上嚟亦非常之濃郁，唔似得出邊只係用普通清湯當做豬骨湯底。😋😋
整體嚟講依家旺角任飲任食火鍋餐廳非常之抵食，唔單止位置方便，而且員工嘅服務態度都非常之好，唔會話驚你照得多拎得多，反而擔心你試得唔夠多🥰另外環境方面都非常之闊落，張枱唔會得擺得兩樣食材就話滿晒，會叫一個鍋底或者食材過幾分鐘已經上菜，唔會話叫極都唔想或者等好耐先上菜嚟浪費時間。另外食材方面亦都非常之新鮮而且每個鍋底都非常之有誠意整體嚟講係非常值得一試嘅任飲，任食火鍋餐廳。😋😋😙😙
張貼
