旺角人氣火鍋放題店《二鍋頭》，多款雞煲、烤魚、牛雜煲無限任食的豐富選擇與熱鬧氣氛。【極尚鮮味放題套餐】真係勢要滿足雞煲控同燒魚迷，最長可以慢慢歎足7個鐘，任食任飲嘆到夠！「極尚鮮味」套餐烤魚 羊腩煲 火鍋放題無限時任食套餐紅白酒任飲整個放題陣容極之澎湃，任食牛雜煲、4款口味烤魚、雞煲、牛尾煲、豬手煲通通入列，仲可以自由打邊爐，食材同湯底選擇超靚。旺角店更限定免費升級龍躉生蠔魚湯鴛鴦鍋，湯底鮮味爆棚，鮮甜得來又有海味香氣。二鍋頭三寶辣酒東風螺雞煲雞煲系列係靈魂招牌，除咗招牌醬香惹味雞煲之外，新增咗幾款新口味——重慶麻辣、泰式冬蔭、雙乳（咸牛乳加腐乳）同辣酒東風螺雞煲。今次我哋就揀咗辣酒東風螺雞煲，螺肉爽彈帶辣香，雞件滑嫩香濃，越食越惹味。配埋紅白酒任飲，邊嘆邊傾真寫意。烤魚：清江鱼再數烤魚系列，足足有六大口味選擇，包括新登場嘅冬蔭功同番茄味。清江魚肉質厚實細滑，我哋點咗冬蔭功味，酸辣勁醒胃，魚皮脆香、湯汁濃香四溢，超有層次感。免費升級鴛鴦湯底/龍躉生蠔魚湯鍋(旺角店限定)可免費升級為鴛鴦湯底，讓你同時品嚐兩種口味。旺角店現正推出「龍躉生蠔魚湯鍋」限定火鍋，並且無需額外加錢。限定湯底，特色在於用料足，龍躉魚塊及生蠔鮮甜，湯底滋潤，非常熱愛海鮮。火鍋配料：火鍋部分都唔失禮，食材靚料盡出：牛板腱、本地鮮滑牛、活海蝦、帆立貝、活蜆、墨魚仔等全部包含，仲有蟹籽墨魚滑、鳳城水餃、鮮蝦雲吞樣樣唔少。整體湯底香濃但唔死鹹，煮完食材仍保留鮮味。出品鮮美，蟹籽墨魚滑厚實、活海蝦、帆立貝、活蜆新鮮，鮮蝦雲吞一口已經感受到鮮甜滋味。性價比高，聚餐首選。餐廳環境熱鬧有氣氛，非常適合成班朋友開鍋小聚，配上七小時無限時放題時段，真係可以食得盡興、歎得過癮。 …查看更多
呢個套餐有好多煲選擇，大胃先食秘製牛雜煲，坊間罕見，濃味過出面啲小食店
牛雜超入味，牛膶唔嚡好索汁，牛肺牛肚好爽彈:)食完牛雜煲就嗌烤魚，有勁多口味揀，今次就試醬香味 ，有勁大條清江魚
啖啖肉好有醬汁香，冇乜骨好滑溜，如果有多個胃都想食多煲
本身仲想食埋雞煲、豬手煲、牛尾煲，真係食唔到咁多，唯有留肚打邊爐，嚟個鴛鴦湯底—香茜皮蛋鍋同越式香濃牛肉鍋，兩種湯底都好特別
爆多芫荽勁令人興奮，越式湯底酸酸地咁好開胃
既然係任食，火鍋配料可以喺QR code度任落單
牛板腱、羊肉、滑牛等等好值得食，好鮮紅彈牙。海鮮都有唔少選擇，青口、蜆、帆立貝、魷魚、墨魚仔、墨魚滑等等通通任食勁爽
出面都有自助區，可以自己配醬料，亦有響鈴、魚皮、麵食任攞。配料自助區都有好多蔬菜、丸類等等任夾任食，好多丸款式都好特別，仲有豆製品同菇類都有得拎
最後都有自助雪糕，有好幾款雪糕，包括本地品牌都有，值得留返個胃食
