鄧記川菜

營業中

休息中

今日同媽媽食生日飯帶佢嚟到k11 musea嘅呢間鄧記川菜 可惜冇預先book枱冇得坐望到維港景嘅窗口位 餐廳裝修十分典雅 燈光昏暗好有氣氛 係少有靚靚裝修嘅川菜餐廳醬香桃仁 好特別嘅一個前菜 外皮甜甜地加上芝麻十分香口四川口水雞 醬汁味道適中雞肉嫩滑成都擔擔麵 老壇子膏蟹 份量超大 膏蟹真係勁多膏 配上酸酸辣辣嘅醬汁 食到停唔到口樟茶鴨 個皮非常脆卜卜而且有淡淡嘅茶香氣 略嫌肉質較乾乾鍋茶樹菇 醬汁惹味配上清淡嘅茶樹菇 送飯一流香烤牛肋骨 原條牛肋骨都幾震撼 醬汁非常入味 肉質軟淋肥瘦適中紅糖糍粑 外皮炸得香脆 入面煙煙韌韌 加上甜甜地嘅紅糖同黃豆分滿足