九爺牛腩 (新聲大廈)

營業中

休息中

去到下午茶時間，最好就搵個位食啲湯粉。見到呢間九爺有崩沙牛腩睇落好抵食，行過都聞到香噴噴。價錢唔貴又多選擇，試左個招牌八寶河鐘意佢咩都有啲，有招牌崩沙腩同不同丸子；食落啲丸都好彈牙，當然最好食係崩沙腩，食得出同普通牛腩好唔同，口感超軟熟，非常有牛味，肥瘦均勻，醃得好入味，應該落左好多心機，每一舊都係精挑細選好完美。值得一提係個湯都好濃，就咁飲都唔會過咸或過淡，配個香濃牛腩好夾。另外散叫既魚皮胶都好足料，大大粒，食到係用鮮魚打出黎，咬開仲見到有魚皮。