叠記咖喱

為食🐑呢排試咗一間澳門咖喱飯「叠記咖喱」，呢間咖喱飯店承載住三代嘅回憶，從咖喱牛腩河起家，到開香港分店，同大家介紹吓佢嘅味道風格！🐓🐖🐃叠記咖喱三寶飯（牛腩，豬扒，雞扒） $76💛食呢個咖喱飯諗起我以前細細個食葡式咖喱雞飯嘅味道，重點一定係咖喱汁啦，呢種咖喱汁辣度偏高，後勁好強好持久，並唔係加好多椰汁偏甜嘅咖喱，所以大家要食到辣先好叫，真係好惹味，絕對係送飯神器，難怪喺呢個招牌菜！🥔薯仔煮得好腍，配合呢個咖喱飯一流，加分！佢呢度牛腩煮咗好耐，吸收晒咖喱辣汁，入口食到一絲絲嘅牛腩肉，啖啖肉！豬扒同埋雞扒都合格，配呢個咖喱汁都好match!🤍祖傳澳門辣腩河 $52呢度嘅招牌湯河，單飲呢個湯底好似冇乜特別，但係加咗咖喱汁之後提升到另一個層次，河粉非常之足料，亦都算幼滑，食完好滿足！🩷心水推介💖🐖瑞士汁豬頸肉 $42豬頸肉燒到表皮微脆，質地彈牙又唔會太煙靭，個醬汁調味啱啱好唔會太鹹，所以係好食，我哋成碟食晒！💜自己最鍾意咖喱飯同埋豬頸肉，如果鍾意食港式咖喱嘅朋友一定會鍾意呢款咖喱飯！