家賀屋刺身寿司專門店

家賀屋既壽司係香港食過所有日本餐廳最貼近日本既一次，非常驚喜🤩。呢度刺身都係日本豐洲空運直送，以吞拿魚🐟、河豚🐡主打，おいしい～～值得一提係呢度用生磨山葵，唔係坊間個d 只係化學溝出黎既wasabi 膏。非常欣賞佢地對食物既誠意同嚴謹既態度🥰。—————————————————📍壽司 (中拖羅、特大海蝦、油甘魚、日本象拔蚌、空運立魚、日本墨魚) (9/10)醋飯調味同軟硬度適中，食得出粒粒分明既珍珠米🍚。而所有魚生都非常新鮮，最好食係中拖羅同海蝦。中拖魚🍣肉無筋無渣入口即溶，油脂甘香，分佈得好平均，但同時不失魚既鮮味，油香並重。海蝦🦐size超大，爽口鮮甜，每一啖都係海鮮既精華。油甘魚🐟亦非常好味，肉厚肥嫩，好重油香味，令到魚肉甘甜嫩滑。墨魚🦑帶有清甜既鮮味，同時帶有爽脆既口感。立魚同象拔蚌味道就比較普通。📍青龍 (炸蝦卷物) (9/10)咁霸氣既名當然有霸氣look🐉！壽司反卷包住吉列炸蝦，外層痴滿海苔碎，上面再加上大量蟹籽裝飾。炸蝦肉質鮮甜結實。炸漿厚薄適中，唔會得層皮。加埋卜卜脆既蟹籽，口感豐富，外軟內脆好惹味。📍茶碗蒸 (7/10)日本料理當然唔少得茶碗蒸。口感嫩滑有蛋香🥚。有