Suage北海道湯咖哩

營業中

休息中

又到LUNCH食飯時間，落去Office樓下呢間主打咖喱嘅餐廳食飯，同同事每人叫咗一個主食和一杯飲品。餐點非常好食，份量亦非常足夠，呢個午餐非常滿足😍珍寶海老海鮮盛湯咖喱🍛飯大大份海老海鮮盛，海鮮包括鮮蝦，墨魚，青口和魚柳。海鮮之外蔬菜亦滿滿豐富，西蘭花，南瓜，秋葵，芫荽，紅蘿蔔，粟米芯，種類又多又鮮甜。淨係餸料已經超豐富，咖喱湯夠辣又夠香，撈埋珍珠飯一齊食，香味無窮，非常難忘。炸蝦天婦羅湯咖喱 烏冬呢碗最吸引嘅當然係兩隻炸天婦羅蝦，外皮又香又脆，蝦肉大大隻又甜又爽。咖喱配烏冬簡直係絕配，烏冬爽滑，煙靭好有咬口，咖喱味香濃，配上煙靭爽滑嘅烏冬就最夾。西柚蜂蜜綠茶清新清甜又清香既西柚蜂蜜綠茶，西柚嘅酸味飲落去令人好有食慾，蜂蜜又香又甜令整杯飲品更滋味，綠茶🍵清香，混合一起好好飲。乳酸梳打巨峰酸酸甜甜又清爽嘅乳酸梳巨峰，入邊仲有萄葡肉🍇，有得食又有得飲，非常豐富。