影片
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
營業時間
今日營業
12:00 - 22:00
星期一至日
12:00 - 22:00
*(21:30 last order)
以上資料只供參考, 請與餐廳確認詳情
-
網上訂座服務暫停
相關文章
放工到咗朗豪坊行下街，之後到了北海道湯咖哩名店SUAGE試試，人氣滿滿一枱難求😎等咗一陣就有枱，店員好快就送上水、qr code同餐牌，睇下食咩先。⭐黑松露極旨蛋拌烏冬點咗呢款蘭王蛋半烏冬，再加咗份茄子🤤橙紅色嘅蛋黃相當吸引，拌均之後烏冬充滿蛋香，再加了牡蠣木魚醬油、黑松露油同海苔碎，又香又鮮味，烏冬彈牙有咬口，好好食喎🤤呢個餐仲有一碗白飯附送，食完烏冬用白飯撈埋淨返嘅蛋汁，一啲都唔會晒🤤⭐炙燒豚角煮湯咖哩拉麵朋友點咗湯咖哩拉麵，辣度就揀咗七級嘅大辣，咖哩湯好香口，雖然話係大辣，但個人覺得唔算好辣啫。除咗豚角煮，仲有半隻溏心蛋、南瓜、茄子、西蘭花、白菜仔等配料，滿滿一碗好豐富㗎。湯咖哩可選配白飯、烏冬或拉麵，朋友就揀咗要拉麵，吸咗湯咖哩汁甜甜辣辣好味喎😋⭐芝士Fiesta今期個期間限定係芝士祭，有幾樣嘢都想試，咁不如叫個拼盤啦😋拼盤包括唐揚雞、雞肉丸、漢堡扒同西蘭花，份量唔少仲超多芝士醬。個芝士醬真係好好食，夠濃又有芝士香，點晒啲醬唔好晒😆⭐蜂蜜西柚蜜茶 & ⭐荔枝乳酸梳打仲點咗飲品添，朋友點咗熱嘅蜂蜜西柚茶，個茶底可以揀紅茶、綠茶或烏龍茶，咁自由可以自選嘅，最後揀咗烏龍茶，酸酸甜甜好好飲。自己就點咗杯荔枝乳酸梳打，少冰少甜，好有荔枝香，都好飲呀。埋單嗰陣見到仲有軟雪糕賣添，整返杯期間限定嘅富士蘋果口味先🤤
繼續閱讀
今日過開嚟旺角朗豪坊，見到原來開咗喺北海道人氣湯咖哩，好多人食就試下先。 適逢餐廳推出秋祭小食，我哋都揀咗幾款，分別係脆紫菜日本川海老 （$48）、炸薯條配黑松露醬（$28），非常優惠抵食。 日本川海老：海老炸到脆卜卜，連個蝦殼都可以一齊食埋，味道鮮甜。配合香脆嘅紫菜，味道更為提升。 另外再叫咗個雞皮餃子，外皮金黃酥脆，內餡軟嫩多汁。雞皮油香十足，餡料亦都好飽滿。 炸薯條配黑松露醬：薯條炸得金黃香脆，而且熱辣辣，薯味濃郁，點埋個黑松露醬真perfect！ Suage Special 湯咖喱：有唐揚炸雞、司華力腸、日本厚切煙肉、脆皮雞腿肉串，非常豐富。唐揚炸雞炸得金黃香脆，食落有燙口感，咬落去亦好juicy。 炙燒豚角煮湯咖喱：如果第一次食，呢個絕對係必點。湯咖喱套餐方面可以揀白飯、拉麵或烏冬，再有3款唔同湯底可以揀，普通原味湯底就唔使加錢，至於櫻花蝦濃湯同埋特選限定就要加$10，大家亦都可以按照自己喜好要嘅辣度。另外可以另加配料同蔬菜。 一上檯先先嚐一嚐個湯咖哩，湯頭非常清爽，不算太過濃稠，咖喱味道恰到好處，唔會太過鹹味。湯底用咗大量北海道出產嘅洋葱、蕃茄等蔬菜熬製而成，並加入多種香料，味道濃郁。 角煮豚肉就係成碗嘅靈魂，十分之有口感，肥瘦適中，燒香咗嘅叉燒入口即溶，非常好味！溏心蛋亦夠流心😋 餐廳除咗可以堂食之外，亦都有外賣飲品同埋雪糕。
繼續閱讀
每次路過都會好奇 究竟湯咖喱係咩味道今次試完終於知道 同傳統日式有咩分別啦😆最主要都係質感上 相對黎講緊冇咁濃稠同埋可以用不同材料熬製湯底 口味更豐富🤩.🍴炙燒豚角煮湯咖喱 $92加錢可以換櫻花蝦濃湯或者季節限定口味不過第一次食當然要試咗原味先啦😌佢有多種辣度選擇 最高級別去到level 99今次試咗level 7 基本上都係偏溫和唔算辣😝豚角肥瘦適中 唔會好油膩亦唔會太過柴另外加咗串脆皮雞腿肉都幾好食🍗各式蔬菜配搭上湯咖喱 原來又幾夾 連唔太中意食蔬菜嘅我都食哂🤣.🍴帆立貝黑松露湯咖哩 $108黑松露湯係今期秋季季節限定口味嗰種獨有嘅香氣 食落味道當然更深厚濃郁😋主角換咗做帆立貝 大大粒夠哂厚身原來湯咖喱無論配肉類定配海鮮都夾到🫶🏻.🍴炸雞皮餃子 $38🍴脆紫菜日本川海老 $48兩款小食都唔錯 感覺用黎送酒一流特別係鹹香脆口嘅川海老 會令人食唔停口🦐.埋單時見到 原來佢地仲有做外賣飲品同雪糕不過今次食飽飽了 有緣路過再試下先🤓.📍Suage北海道湯咖喱 (旺角)旺角亞皆老街8號朗豪坊4A樓1號舖
繼續閱讀
餐廳位於旺角朗豪坊入面，本身驚會好多人排隊，但好彩一去到就有位。之前見呢間係🇯🇵北海道人氣湯咖喱🍛，香港開分店覺得幾特別就諗住試吓。食物選擇都幾多可以有唔同嘅配搭。日式唐揚炸雞湯咖喱 🍛 ($78)湯咖喱配料，分別有西蘭花🥦，茄子，蓮藕，翠玉瓜，薯仔🥔，南瓜，半隻蛋🥚。個人認為個湯有啲稀，而且咖喱味都唔算好重，蔬菜🥬份量都唔係好多大概每樣有一嚿。而湯咖喱係可以配白飯不過白飯份量有啲少，如果男仔食嘅話應該完全唔夠😢。另外有三隻唐揚炸雞🍗味道都唔錯都幾大件，同個咖喱係幾夾。帆立貝黑松露湯咖喱 🍛 (轉烏冬) ($108)呢個湯應該係期間限定嘅，所以就試吓。湯咖喱🍛配料同原味基本上一樣，唔同嘅係個主菜係兩大隻帆立貝。不過亦有啲驚喜係個湯，都幾濃松露味，但係咖喱味就唔係好出，而且湯都係偏稀。覺得轉烏冬🍜配松露湯係幾夾，應該會好味過白飯🍚。整體嚟講第一次食可能期望過高所以有啲失望。個人認為味道一般，最signature 嘅咖喱湯🍛味道冇驚喜而且份量唔算好多，可能食過其他餐廳嘅湯咖喱有對比，覺得食一次就夠😔。
繼續閱讀
喺樓上做完facial落黎呢間餐廳就喺當眼位置，咁就揀咗佢醫下肚～食物方面唔錯，好快上菜，個湯濃郁得黎唔係死咸嗰種，食完唔會口乾，麵嘅口感軟硬適中，份量同質素叫做對得住個價錢。但所提供嘅服務絕對係趕客，一開始我入咗嚟企喺門口無人理我，見到幾個員工喺度傾偈。到坐低叫嘢食，有位著恤衫嘅女士埋到黎黑口黑面，講多兩句就不耐煩，態度極差，好似我入咗黎阻住你傾偈咁。食飯嘅時候就聽到位女員工好大聲咁講粗口句句都係！真係好影響心情，大排檔咩，仲話日本過江龍⋯只想快快食完走，食物都唔記得影！無下次了
繼續閱讀