影片
更多
2021-01-27
129 瀏覽
係LCX做野既朋友話我知海港城開左間正野, 係韓烤餐廳"雪下覓炙", 今日放假就約埋食LUNCH。餐廳裝潢型格, 第一眼就見到拱門既LED MON播住火焰, 落雪既畫面, 原來係想模仿高麗時用炭火烤肉既意境, 個人認為食韓燒黎講, 依度既環境真係算好舒適! 依度仲有機械人駐場送餐, 上網睇過如果有客人生日, 佢仲會唱生日歌添食韓燒當然唔少得擺到成枱都係既精緻前菜, 有蘿蔔, 大豆芽等等, 但自己都係最鍾情泡菜, 依度既泡菜醃得好好, 入味又爽脆, 帶微辣亦不失菜既甜味。雪花韓式牛肋骨 依度既牛肋骨特別之處係用上鑽石形切割方式, 可以令到牛肋骨更加入味, 燒既時候受熱更均勻, 鎖緊肉汁。燒到7成左右熟, 肉質有咬口中帶鬆軟, 牛味香濃, 沾少少岩鹽味道更甘香!和牛三筋肉三筋肉係和牛中嘅激罕稀有部位, 一隻牛只得2-3%, 真係可遇不可求!! 可以見到油脂雪花分佈細密, 入口一刻咀入面係滿滿肉汁同油脂, 肉質嫩滑, 個陣牛脂香真係不得了呀~~牛舌薄身牛舌以大火燒香, 口感帶脆, 味道醇香。傳統醬油五花肉五花肉肥瘦相間, 烤至表面微微焦香, 豬肉又嫩又多汁, 皮位由其甘香, 同時帶住醬油
餐廳裝潢型格, 第一眼就見到拱門既LED MON播住火焰, 落雪既畫面, 原來係想模仿高麗時用炭火烤肉既意境, 個人認為食韓燒黎講, 依度既環境真係算好舒適! 依度仲有機械人駐場送餐, 上網睇過如果有客人生日, 佢仲會唱生日歌添
食韓燒當然唔少得擺到成枱都係既精緻前菜, 有蘿蔔, 大豆芽等等, 但自己都係最鍾情泡菜, 依度既泡菜醃得好好, 入味又爽脆, 帶微辣亦不失菜既甜味。
雪花韓式牛肋骨 依度既牛肋骨特別之處係用上鑽石形切割方式, 可以令到牛肋骨更加入味, 燒既時候受熱更均勻, 鎖緊肉汁。燒到7成左右熟, 肉質有咬口中帶鬆軟, 牛味香濃, 沾少少岩鹽味道更甘香!
和牛三筋肉三筋肉係和牛中嘅激罕稀有部位, 一隻牛只得2-3%, 真係可遇不可求!! 可以見到油脂雪花分佈細密, 入口一刻咀入面係滿滿肉汁同油脂, 肉質嫩滑, 個陣牛脂香真係不得了呀~~
牛舌薄身牛舌以大火燒香, 口感帶脆, 味道醇香。
傳統醬油五花肉五花肉肥瘦相間, 烤至表面微微焦香, 豬肉又嫩又多汁, 皮位由其甘香, 同時帶住醬油鮮味同香氣, 好味!
雞爽肉 雞肉嫩滑入味, 鹽都唔洗點已經好好味。
韓國辣八爪魚原隻八爪魚, 店員三兩下手勢就拆好整齊擺放~ 八爪魚彈牙唔會韌, 帶微辣好惹味。
石頭泡菜魚籽飯 足料石鍋飯, 魚仔帶出咸香味道, 加上飯焦令成個飯更香口。
魚籽湯哇依個十全大補湯咁~~ 好多魚春同白子, 魚春出奇地鮮味, 而白子配湯既食法都係第一次, 感覺亦不錯, 另外仲有蜆肉同其他蔬菜, 湯頭鮮甜帶微微香辣, 好飲到見哂底。
特別一提SERVE我地既店員好有禮貌, 最重要係佢燒既每款肉都岩岩好, 連好難掌握既八爪魚都可以燒得岩岩好, SERVICE方面真係令我印象幾深刻! 當然食材全部都好高質, 所有野加埋係超水準, 由環境, 服務至食材都100分, 絕對會回頭~
張貼
