豐盛牛肉麵

營業中

休息中

土瓜灣有好多寶藏餐廳，依間豐盛牛肉麵就係其中一間！食物選擇非常多，除咗普通牛肉麵之外，仲有蕃茄湯麵、拌麵、米飯便當同埋多款小食！價錢非常經濟實惠！招牌豐盛牛肉麵如果貪心為食，咩都想食到，咁依碗牛肉麵就啱晒！有牛腩、牛筋、金錢𦟌、蘿蔔、丸子，我再另外加隻蛋🤓🤓真係非常豐富，非常豐盛！牛筋非常非常推薦！佢係裏裏外外都非常入味！好軟熟，但唔會斷開，滿滿嘅膠質，超正！牛腩、金錢𦟌同樣係非常入味，非常軟熟如果鍾意食蘿蔔嘅話，都一定要認真試試！蘿蔔入面都一樣係咁嘅顏色！所有嘢都好入味，但唔係死咸👍🏼👍🏼肉燥小茄子份量對得住個價錢！兩三層滿滿嘅茄子，茄子外皮有少少燶邊脆身感覺，均勻咁沾到惹味嘅醬汁，再加埋上面鋪滿嘅肉碎，口感同味道都好豐富，超享受！放假全日第一餐嚟呢度食飯，係好正確嘅選擇！超開心超滿足！