牛霸王

營業中

休息中

好耐都冇試過喺工廠大廈度食飯，今日難得朋友揸車嚟到觀塘，就話不如試吓呢啲樓上餐廳，朋友問我想食乜嘢，我話近排想食牛漢堡，佢就即刻提議觀塘呢間牛霸王。呢度嘅裝修其實都係行少清新路線，主要用木材料，所以俾人一種好舒服嘅感覺。朋友真係冇講錯，呢度真係漢堡扒界嘅天花板！招牌手打和牛漢堡蘭王蛋飯同手打芝士安格斯漢堡蘭王蛋飯，一個要咗秘製漢堡汁，另外一個就要咗白麵豉汁，配菜一個要咗日式泡菜，另外一個就係芥辣酸瓜，後來都有追加兩個小食，就係甘粟紫薯同芝麻雞翼。因為全部都係手打，所以口感好正，亦都選用咗澳洲和牛，所以油脂香味特別重，橙黃橙紅嘅蘭王蛋，配埋日本米飯，粒粒分明，真係絕頂嘅配搭，當然啦醬汁都係秘製嘅，所以特別好食。呢度更加有得儲印仔卡，食咗10次之後就可以免費送一個丼飯或者直接減$68 ，真係好抵！