影片
更多
2025-03-10
616 瀏覽
今次嚟食咁岩有元宵節雙人海鮮套餐，價錢同平時雙人餐差唔多, 但係就多左幾款食物, 所以職員都大推。首先係自家製魚皮作為開胃菜，呢道菜成功咁喚醒咗味蕾，魚皮嘅脆度控制得啱啱好，鹹香味道適中，唔會太膩, 而最最最重要係一啲油溢味都冇, 一定唔係同萬年油整。今次嚟蟹仙係好想食到龍蝦刺身, 宜加呢個元宵節雙套餐剛剛好有個刺身拼盆。包括澳洲青年龍蝦刺身, 加拿大帶子刺身, 另外仲送左兩隻大紅蝦。仲有個心心仙女棒, 真係儀式感滿滿。龍蝦肉質晶瑩剔透，鮮美嚟形容真係不為過, 因為佢個肉質係爽身, 龍蝦淡淡香味, 係好清新嘅感覺, 點小小芥末豉油會更吊到個鮮味出 嚟。而帶子嘅新鮮度好高，刺身嘅處理手法保留咗帶子嘅原汁原味，口感滑嫩，而且真係好厚身, 甜味喺口腔湧出來, 真係令人回味。而個大紅蝦都比平時食到的甜, 但相比之下我都係鍾意食爽身的龍蝦刺身多啲。另一樣好特別的係南非罕有紅寶石鮑魚, 重點係佢個殼真係好靚, 靚到要拎走做紀念。而講返隻鮑魚, 真係好大隻, 都好厚肉。清蒸完會有專人切片, 淡淡的香味, 口感彈牙, 咩都唔點係最好味。食完晒啲特別嘢, 仲有加拿大野生海蝦與大西洋野生青口, 樣樣都好大
首先係自家製魚皮作為開胃菜，呢道菜成功咁喚醒咗味蕾，魚皮嘅脆度控制得啱啱好，鹹香味道適中，唔會太膩, 而最最最重要係一啲油溢味都冇, 一定唔係同萬年油整。
今次嚟蟹仙係好想食到龍蝦刺身, 宜加呢個元宵節雙套餐剛剛好有個刺身拼盆。包括澳洲青年龍蝦刺身, 加拿大帶子刺身, 另外仲送左兩隻大紅蝦。仲有個心心仙女棒, 真係儀式感滿滿。龍蝦肉質晶瑩剔透，鮮美嚟形容真係不為過, 因為佢個肉質係爽身, 龍蝦淡淡香味, 係好清新嘅感覺, 點小小芥末豉油會更吊到個鮮味出 嚟。而帶子嘅新鮮度好高，刺身嘅處理手法保留咗帶子嘅原汁原味，口感滑嫩，而且真係好厚身, 甜味喺口腔湧出來, 真係令人回味。而個大紅蝦都比平時食到的甜, 但相比之下我都係鍾意食爽身的龍蝦刺身多啲。
另一樣好特別的係南非罕有紅寶石鮑魚, 重點係佢個殼真係好靚, 靚到要拎走做紀念。而講返隻鮑魚, 真係好大隻, 都好厚肉。
清蒸完會有專人切片, 淡淡的香味, 口感彈牙, 咩都唔點係最好味。
食完晒啲特別嘢, 仲有加拿大野生海蝦與大西洋野生青口, 樣樣都好大隻好厚肉, 最重要係樣樣都好新鮮。
而個韓國蠔都好大隻, 好香海水味, 咩都唔洗點, 一啲都唔會腥,反而仲好解甜。
呢個叫綠膏蟹, 但係我地抽唔中綠色, 不過膏黃真係好豐富, 味道好濃郁，蟹肉質地緊實細嫩鮮甜，鮮味十足。
食完晒海鮮仲有滑雞件, 安格斯牛肉, 菜籃, 樣樣都係原味, 夠晒鮮。
食完就到左個粥底, 呢個粥底真係不得了, 因為加左刺身頭, 而放落去果個下龍蝦頭係仲識郁架, 所以成個粥都好鮮甜。
個粥好夠綿, 加小小菜莆就好夠。
張貼
