影片
更多
2023-06-09
58 瀏覽
白蘭軒道有好多間餐廳，間間都好有特色！今次就去咗樂酒場試吓，喺門口已經感受到好濃重嘅日本氛圍。再行上樓梯，啲日式佈置裝潢就更精緻，有勁多打卡位！餐廳地方大，我哋就揀咗榻榻米座位，當自己去咗日本啦。一開始嗌咗兩個小食，分別係「醬油鳥蛋」（$38）同「牛油果山葵漬」（$48），醬油蛋係鵪鶉蛋嚟，都有七、八隻，醬油味好香，有飽肚感；而牛油果比我想象中更鮮香，加埋山葵漬，除咗個色似之外，原來個味道好夾！另外我哋就嗌咗啲海鮮同刺身，第一客係「胡麻油甘魚薄切」（$80），呢個價位有咁多片油甘魚真係抵食，而油甘魚切得夠薄，唔會太油，就咁食已經好食到果陣淡淡嘅鮮甜，撈咗胡麻醬，令個甜味更加濃厚，又係另一種滋味！第二客就係「磯煮鮑魚」（$68一隻），鮑魚已經切好，一啖一塊，鮑魚身十分彈牙，加上微鹹嘅醬汁，更加帶出到食材本身嘅鮮味。仲有叫咗「季節漁港直送牡蠣」（$68一隻），呢度生蠔料理有好多，亦見到有唔少優惠，我哋呢兩隻就係直送生蠔，汁液清甜，而蠔身大，啖啖肉配上提鮮嘅醬汁就更加好食。之後就食吓熱嘢喇！我哋先叫咗一客「蟹味噌甲羅燒」（$68），加配咗四件多士（$8），甲羅燒嚟到熱辣辣，蟹肉蟹膏混和香氣十
今次就去咗樂酒場試吓，喺門口已經感受到好濃重嘅日本氛圍。
再行上樓梯，啲日式佈置裝潢就更精緻，有勁多打卡位！
餐廳地方大，我哋就揀咗榻榻米座位，當自己去咗日本啦。
一開始嗌咗兩個小食，分別係「醬油鳥蛋」（$38）同「牛油果山葵漬」（$48），
醬油蛋係鵪鶉蛋嚟，都有七、八隻，醬油味好香，有飽肚感；
而牛油果比我想象中更鮮香，加埋山葵漬，除咗個色似之外，原來個味道好夾！
另外我哋就嗌咗啲海鮮同刺身，第一客係「胡麻油甘魚薄切」（$80），
呢個價位有咁多片油甘魚真係抵食，而油甘魚切得夠薄，唔會太油，
就咁食已經好食到果陣淡淡嘅鮮甜，撈咗胡麻醬，令個甜味更加濃厚，又係另一種滋味！
第二客就係「磯煮鮑魚」（$68一隻），鮑魚已經切好，一啖一塊，
鮑魚身十分彈牙，加上微鹹嘅醬汁，更加帶出到食材本身嘅鮮味。
仲有叫咗「季節漁港直送牡蠣」（$68一隻），呢度生蠔料理有好多，
亦見到有唔少優惠，我哋呢兩隻就係直送生蠔，
汁液清甜，而蠔身大，啖啖肉配上提鮮嘅醬汁就更加好食。
之後就食吓熱嘢喇！我哋先叫咗一客「蟹味噌甲羅燒」（$68），加配咗四件多士（$8），甲羅燒嚟到熱辣辣，蟹肉蟹膏混和香氣十足，亦都唔會鹹，
配上多士，加再埋一啲青瓜做配料，就更加清新，令人食唔停口呀！
而另一客我哋叫咗「關東煮拼盤」（$108），一上枱，嘩！好大盤，望到都滿足！
關東煮入面有竹輪、巨型大根、雞肉等等，我最鍾意嘅就係個福袋，切開佢入面係滿滿嘅麻糬，煙韌可口。
而湯底滲透住好香嘅鰹魚醬油味道，大根、豆卜等吸曬啲精華，食落更入味，口感豐富！
最後，食埋個「鰻魚炒飯」（$158）就功德圓滿喇！
值得一讚嘅係呢個炒飯鰻魚量都幾多，幾乎每舀一啖飯都有鰻魚！
而飯量亦都好多，肯定夠大家食飽飽！
飲品我哋叫咗一杯「美女青瓜特飲」（$88），
呢杯飲品主要係青瓜配氈酒，一上嚟已經覺得隻杯好靚（仲識轉），
飲落就更覺得清新，可以消消飽膩。
另一杯就叫咗「自家製蜂膠檸檬燒酌」（$68），
燒酌濃度適中，蜂膠超級香甜，大大杯飲品超抵！
呢度仲有大量唔同嘅酒類飲品供應，下次要試下其他先！
呢度嘅食物同裝修都好掂，好似去咗日本咁！大家都可以嚟試試。
張貼
