龍亭

來到佐敦呢間超有氣氛嘅鐵板燒🫡細細間所以服務特別貼身～今次揀咗入門級Omakase（$588），套餐包沙律、鐵板海鮮2品、鐵板肉類、炒飯、時日甜品，可以從幾款海鮮中選擇2款，有越南大虎蝦、南非孔雀鮑魚、東星斑、扇貝、帶子等，我地揀左扇貝、帶子同鮑魚交換試下～特別鍾意加入自家製蒜蓉醬既鮑魚，蒜蓉味唔會改過鮑魚鮮味，而鮑魚烹調得剛好，小小咬口但入面軟嫩。帶子放在意大利黃瓜上十分精美，而最推薦扇貝，以黑松露及牛油汁烹調，香口非常。肉類方面，推薦試試A5熊本和牛厚燒，煎過後切粒，3成熟非常可口。配上Wasabi輕鬆吃光光，旁邊更有蝶豆花泡沫增加鮮味和鹹味！