翠林辣蟹舫

有朋友來港，問我有咩地道嘅港式美食推介，我第一時間諗到嘅就係避風塘炒蟹啦！所以帶出距離尖沙咀呢間好出名，深受旅客歡迎嘅翠林辣蟹舫👍🏻 除咗招牌炒蟹，佢啲小菜都唔錯㗎 ！🍴避風塘炒蟹 - 招牌菜嘅避風塘炒蟹，非常高質！肉蟹非常大，份量十足，兩三個人食都OK👍🏻而且擺盤一流，影相打卡冇問題👍🏻👍🏻避風塘炒蟹，重點梗係啲蒜蓉啦！炒得非常香，但係又冇燶，配埋新鮮大隻嘅肉蟹，認真一流，好好食呀😜🍴鬼馬香脆咕嚕肉 - 呢個香脆咕嚕肉，都好高質，每嚿咕嚕肉都炸得非常香脆，但係粉又唔會太多，而且好欣賞佢肉質唔肥，唔會太油，好食👍🏻🍴惠州梅菜肉丸 - 好有特色，炸梅菜肉丸，一口一粒，幾彈牙🍴香辣土豆絲 - 土豆絲切得夠幼，辣味十足，非常適合好辣嘅人士🍴每位贈送：黃金蝦球 - 原來食蟹仲送蝦球！呢個黃金蝦球，完全係意外驚喜！勁多鹹蛋黃係炸蝦出邊，非常香口，而且蝦球超大隻，又新鮮，熱辣辣，非常值得一試👍🏻👍🏻👍🏻靜靜雞話俾大家知，呢度嘅小菜，全部都有半價！所以性價比可以話係極高！好值得大家帶朋友嚟試吓👏🏻