叉燒大王

營業中

休息中

晚上十點有多上完課返到入沙田，同老公搵嘢食，一係大圍一係河畔，好明顯呢度可以泊車方便好多， 雖然冇曬標位，大家泊喺附近都應該多數冇問題。見到餐牌上許多小菜都非常吸引，我們選擇了煲仔啫啫芥蘭及叉燒(例牌)加個白飯，再加個上湯米線。呢個石鍋芥蘭可能唔啱季節，芥蘭苗得葉同花，唔多莖，香口但好咸，送飯還可以。果然係叉燒大王，這個叉燒不得了，用咗梅頭，肥瘦含量好啱做叉燒，好淋，甜度恰到好處，配白飯，非常可口呢！上湯米線大大碗，湯底唔錯。 因為附近有一間酒店，這麼晚都仍有不少外國遊客光顧，餐牌上亦有英文註釋，十分體貼。走嘅時候門口好多人等緊外賣燒味，街坊都好捧場。