魚一壽司 (京都廣場)

營業中

休息中

以前嘅食堂，喺元朗開到出嚟銅鑼灣。今次訂咗位，早少少入座，但都好快已經滿座，同埋今次可以坐到大啲既枱。枝豆鱈魚乾叫咗兩樣前菜，配埋嘢飲一流。蟹籽沙律🥗蟹籽沙律又係冇得頂，大大份，勁多沙律醬，好滿足。日本兵庫縣漣生蠔 （L）$48 一隻勁抵食，又Creamy又Juicy，好肥美，入口濃郁嘅蠔味，加上小小海水味，勁滿足。赤海蝦刺身（3隻）$58 有三隻勁抵食。每一隻size都唔細隻，有手掌咁長，仲要每一隻都有蝦膏。每一啖入口都係啖啖嘅蝦肉。北海道生帶子壽司日本直送鱆紅魚腩壽司油甘魚腩壽司芝士火炙三文魚蟹肉蟹膏軍艦（2件）左口魚裙邊壽司普通嘅壽司，嗌咗小小，仍然都係性價比好高。朋友話鱆紅魚腩好香好肥美。蟹肉蟹膏軍艦，蟹肉多到滿瀉。魚一焦糖鵝肝壽司每次都一定要叫呢個，為咗呢個而嚟。暫時都係食過呢度呢一間嘅焦糖鵝肝壽司最好食。大大塊，小小燒香咗嘅甜味，鵝肝又整得啱啱好好Juicy。炸軟殼蟹手卷北海道海膽手卷炸軟殼蟹手卷炸得啱啱好，送上嚟都仲係熱辣辣。海膽手卷都超滿足，至少有兩種唔同嘅海膽，入口即溶。