蘇山雞飯

營業中

休息中

今次專登再訪呢間「蘇山雞飯」，就係為咗佢個火焰椰子雞煲同埋佢勁邪惡嘅咖映多士同開心果椰子奶昔！一上枱個火焰椰子雞煲好有睇頭，一上台就有火焰表演，好有gimmick，打卡一流，個椰子雞湯好濃椰子香味，雞肉都好嫩滑，仲帶有椰子既甜，配埋個雞油飯食，真係好好食👍🏻👍🏻咖映多士每次黎食都真係好驚喜，多士烘到金黃色，咬落「索索」聲超脆口。入面啲牛油厚到成半隻手指公咁厚，溶化咗之後同啲咖映醬混埋一齊，甜得來帶啲鹹香，食完成個口都係香味。呢個牛油勁邪惡勁滿足！ 仲有杯開心果椰子奶昔都keep到水準，飲落夠冰凍又唔會太甜，仲飲到粒粒開心果碎同椰子肉碎，口感滿分！ 必飲。馬拉盞椰菜苗，一上枱就聞到陣陣馬拉盞嘅香味，椰菜苗炒得啱啱好，爽脆得嚟又夠嫩，完全冇渣。最正係佢個馬拉盞炒得超香，鹹香帶微辣，好惹味！