影片
更多
2023-05-04
60 瀏覽
終於出咗年終花紅，梗係要食餐好野慶祝吓。揀咗黎銅鑼灣食我鍾意嘅鐵板燒。叫咗個特色二人套餐$2680。煙三文魚沙律沙律以芝麻醬調味，除咗一般的沙律菜，仲有蓮芋，清新爽口。蟹肉海膽松露溏心蛋呢個蒸蛋好出色，裏面是流心，蛋汁極香濃，加上蟹肉，海膽，松露同金萡，好矜貴。火焰原隻北寄貝上枱時有火焰表演，火點著柏葉，除咗可以令北寄貝保溫，仲令北寄貝散發着淡淡嘅松柏香氣同埋酒香。北寄貝鮮甜爽彈，d湯汁一滴都唔可以錯過。活鮑魚配蟹肉海苔醬勁大隻南非孔雀鮑魚，好新鮮，未煮之前仲識得郁。鮑魚爽彈，唔會韌，師傅話鮑魚冇落鹽，鹹味來自天然海水味。D鮑魚肝臟好甘香，含豐富骨膠原嘅雞冠紅綠海草沾上伴碟嘅海苔蟹肉醬汁加上魚子同菊花瓣，好清香。法國鵝肝頂級法國鵝肝非常肥美，煎得外脆內軟，入口即融，沾上意大利黑醋同夾住青蘋果一齊食，甜甜酸酸中和油膩感。食完鵝肝最後食塊焦糖青檸，清清口腔好舒服。日本熊本A5和牛薄燒肥美牛油香氣四溢嘅和牛薄片包住勁量香蔥再夾上脆蒜片，超好味。香煎野菜有燒日本茄子，南瓜同啡菇，食得肉多，食d菜菜平衡一下。刺身帶子豆腐鯛魚湯/汁物個魚湯夠熱且濃稠鮮甜，加上日本刺身帶子，鮮上加鮮。黑松露櫻花蝦炒
煙三文魚沙律
沙律以芝麻醬調味，除咗一般的沙律菜，仲有蓮芋，清新爽口。
蟹肉海膽松露溏心蛋
呢個蒸蛋好出色，裏面是流心，蛋汁極香濃，加上蟹肉，海膽，松露同金萡，好矜貴。
火焰原隻北寄貝
上枱時有火焰表演，火點著柏葉，除咗可以令北寄貝保溫，仲令北寄貝散發着淡淡嘅松柏香氣同埋酒香。北寄貝鮮甜爽彈，d湯汁一滴都唔可以錯過。
活鮑魚配蟹肉海苔醬
勁大隻南非孔雀鮑魚，好新鮮，未煮之前仲識得郁。鮑魚爽彈，唔會韌，師傅話鮑魚冇落鹽，鹹味來自天然海水味。D鮑魚肝臟好甘香，含豐富骨膠原嘅雞冠紅綠海草沾上伴碟嘅海苔蟹肉醬汁加上魚子同菊花瓣，好清香。
法國鵝肝
頂級法國鵝肝非常肥美，煎得外脆內軟，入口即融，沾上意大利黑醋同夾住青蘋果一齊食，甜甜酸酸中和油膩感。食完鵝肝最後食塊焦糖青檸，清清口腔好舒服。
日本熊本A5和牛薄燒
肥美牛油香氣四溢嘅和牛薄片包住勁量香蔥再夾上脆蒜片，超好味。
香煎野菜
有燒日本茄子，南瓜同啡菇，食得肉多，食d菜菜平衡一下。
刺身帶子豆腐鯛魚湯/汁物
個魚湯夠熱且濃稠鮮甜，加上日本刺身帶子，鮮上加鮮。
黑松露櫻花蝦炒飯
炒飯粒粒分明，黑松露醬香氣十足，加上櫻花蝦嘅咸香，個飯超香口惹味。
雪葩
我揀咗椰子，另外仲有白桃味。椰子雪葩香滑creamy, 好似食緊雪糕咁。食完之後真係超滿足，呢餐劃上完美句號。
張貼
