牛大人台灣火鍋吃到飽 (瓊華中心)

營業中

休息中

去過好多牛字頭嘅餐廳， 覺得牛大人嘅性價比的確唔錯，今次返去同朋友再encore。 呢排推出咗一個日本a4和牛任食套餐， 主打可以任食a4嘅和牛， 仲要有一個海鮮拼盤 當然可以出面任食打邊爐嘅其他配料！！一坐低就送上呢個海鮮拼盤 有蠔啦 帆立貝 鮑魚 仲有蟶子， 賣相都唔錯好大件。 之後當然急不及待要嗌兩大碟a4和牛， 牛花好靚，而且都唔算話好薄，好有質感， 食落個牛味都好重， 同朋友好快ko咗兩碟。之後都叫咗啲蝦 魚皮 同埋佢哋嗰啲蝦滑墨魚滑， 呢度主打好多款唔同台灣直送嘅肉滑， 味道都幾新奇有趣㗎最開心係出面竟然有任食嘅movenpick， 呢個價錢有咁多唔同種類嘅食物都幾抵食，正呀！