HIKARI

荃灣區有唔少好食嘅西餐廳，呢間Hikari一直都想試，今日終於有機會試到！餐廳走比較簡約路線，裝修以白色牆身為主。野食同飲品都算多選擇，款式亦都比較特別。油封法式羊架雞油菌意大利飯羊架相當有驚喜，肉質好軟嫩，完全唔韌，相信係經過慢煮，而意大利飯亦都充滿獨特菌香，加埋忌廉超級creamy！日本櫻花蝦海鮮飲管粉 山葵忌廉汁本身都幾中意Wasabi，今次個汁落左岩岩好份量嘅wasabi，輕輕帶有芥末香又唔會蓋過忌廉香味。配彈牙飲管粉好夾，索晒D汁，勁好食！水牛城炸雞翼雞翼炸得好香脆，再蘸埋水牛城汁，幾有美式風味。Bailey’s Mocha朱古力加上甜甜地嘅Baileys，層次好豐富，一飲就愛上！黑芝麻鮮奶呢杯等得比較耐，但係就相當有驚喜，估唔到Barista整左個天馬拉花，難度相當高，非常欣賞！杯Latte都有好濃厚嘅黑芝麻味，好正！整體嚟講水準相當有驚喜，推介大家嚟試試！