二鍋頭 (福苑)

營業中

休息中

今日同朋友食雞煲，再次到訪旺角嘅二鍋頭～二鍋頭位置方便，係旺中附近，超易搵😛。今日食咗雞煲火鍋套餐，雞煲、羊煲、豬手煲、火鍋任食兩小時，都係二百幾蚊，好抵食！雞煲雞煲可以揀唔辣或各款辣度，任君挑選，今次我食咗bb辣。雞煲醬汁好惹味，炒過後更正，少少辣得嚟再有麻麻地嘅感覺。雞件分量多，而且啖啖肉，食得好滿足。另外，仲配有鳳爪，鳳爪吸滿雞煲醬，好好味。火鍋今次我同朋友揀咗豬骨湯。豬骨湯呈奶白色，帶點胡椒味，清清地～ 湯底都好多料，例如有大豬骨、紅蘿蔔、粟米等等。火鍋配料選擇好豐富，好好多丸、又有魚皮、菜、烏冬等等。我最鍾意墨魚丸同年糕。墨魚丸大大粒、好香、有咬口。年糕煮完煙煙銀銀，好軟糯～ 另外仲可以用qr code落單一啲肉類、海鮮類。安格斯牛板腱食落較軟淋，油脂分佈適中。安格斯封門柳食落牛味濃啲。蜆一份都幾多，食到好鮮甜。海蝦新鮮，質地彈牙。餐廳仲有提供多款甜品同飲品，飲品選擇都幾好，有好多清熱飲品，例如竹蔗茅根等等。甜品就有雪糕同雪條～