鐵板燒海賀

營業中

休息中

The One上邊鐵板燒海賀bookmark咗好耐，適逢最近餐廳做緊優惠，$638就可以食鐵板燒套餐已經包括咗不同款類嘅肉類海鮮，一於去試吓。餐廳可以俯瞰尖沙咀鬧市及維港景色，設有兩張大型鐵板燒枱，適合一班朋友或情侶慶祝。套餐包括前菜，刺身，海鮮，牛/雞肉，炒飯及甜品。前菜竟然加上三文魚子及三文魚做沙律，刺身就包括咗日本帶子，油甘魚，吞拿魚非常鮮甜。鐵板燒第一道菜就係北海道帶子配香橙辣肉腸汁，帶子煎到半熟，下面鋪滿非常有牛油香氣嘅薯蓉，非常惹味。第二道法國白鱈魚配燈籠椒煙肉汁，係我成餐飯最喜歡嘅鐵板燒菜式，白鱈魚富有油香，唧咗檸檬汁及燈籠椒醬汁令到魚油唔會膩。之後就到大蝦配紅咖喱蝦醬，先將大蝦煎香再將蝦膏融入紅咖喱醬汁類似泰式做法，你喺度非常有創意嘅蝦菜式。薄切牛肉入邊包住香蔥炸蒜，雞扒就用上日本愛媛縣雞，爽口彈牙，一定要配上自家製炸蒜片。最後蕃茄煙肉炒飯炒咗非常乾身食完已經非常飽了，套餐份量足夠男士，亦係一個慶祝嘅好地方。