影片
更多
2017-12-06
266 瀏覽
平時觀塘啲工業大廈，都會發現到隱世美食，今日試咗佢呢個私房菜。通常如果叫私房菜餐廳煮定一啲特別嘅餸菜，都要預先訂位，呢一度嘅私房菜真係又靚又抵食！餐單上面有好多野可以選擇，我哋叫咗個4人套餐，當然呢度都會有2人套餐，分別有麻辣鹵水拼盆(例)、什菌大蜆豆腐湯、大肉蟹、金銀蒜蒸龍躉腩、白胡椒爆炒南非鮑魚、招牌御膳炒飯、金華玉樹雞(半只)、碧綠炒花枝片同精選甜品。拼盤上面包羅萬有，有豬大腸、金錢肚同一啲木瓜絲沙律。佢嘅辣度控制得啱啱好，唔會有太鹹嘅跡象，上面有啲小辣椒同芝麻，入口就更香。大腸好腍身，少許的油脂撈埋d麻辣味醬汁特別惹味。之後飲咗個什菌大蜆豆腐湯，真係令人精神為之一振！裏面嘅蜆好大粒，而且豆腐都好滑好鮮嫩咁。仲有少少芫荽，作調味用途，仲有唔同類型嘅菇，全部切成片狀，盛載喺碗裏面嘅時候就更加一口喝下，容易飲用，我覺得真是太美味了沒有味精的湯反而更為鮮味，一喝就喝了兩碗。之後就係我最期待嘅大肉蟹，呢度揀嘅海鮮真係好靚，如果媲美喺銅鑼灣嘅橋底一間好出名嘅辣蟹店，相信你嗰度更勝一籌！食蟹，最緊要蟹肉夠新鮮，肉同殼要分明，呢度亦都可以揀唔同嘅煮法，包括花雕雞油蛋白蒸，避風塘炒，薑沖炒，胡椒
通常如果叫私房菜餐廳煮定一啲特別嘅餸菜，都要預先訂位，呢一度嘅私房菜真係又靚又抵食！餐單上面有好多野可以選擇，我哋叫咗個4人套餐，當然呢度都會有2人套餐，分別有麻辣鹵水拼盆(例)、什菌大蜆豆腐湯、大肉蟹、金銀蒜蒸龍躉腩、白胡椒爆炒南非鮑魚、招牌御膳炒飯、金華玉樹雞(半只)、碧綠炒花枝片同精選甜品。
拼盤上面包羅萬有，有豬大腸、金錢肚同一啲木瓜絲沙律。佢嘅辣度控制得啱啱好，唔會有太鹹嘅跡象，上面有啲小辣椒同芝麻，入口就更香。大腸好腍身，少許的油脂撈埋d麻辣味醬汁特別惹味。
之後飲咗個什菌大蜆豆腐湯，真係令人精神為之一振！裏面嘅蜆好大粒，而且豆腐都好滑好鮮嫩咁。仲有少少芫荽，作調味用途，仲有唔同類型嘅菇，全部切成片狀，盛載喺碗裏面嘅時候就更加一口喝下，容易飲用，我覺得真是太美味了沒有味精的湯反而更為鮮味，一喝就喝了兩碗。
之後就係我最期待嘅大肉蟹，呢度揀嘅海鮮真係好靚，如果媲美喺銅鑼灣嘅橋底一間好出名嘅辣蟹店，相信你嗰度更勝一籌！食蟹，最緊要蟹肉夠新鮮，肉同殼要分明，呢度亦都可以揀唔同嘅煮法，包括花雕雞油蛋白蒸，避風塘炒，薑沖炒，胡椒炒，四川香辣炒！想食一啲比較冷門嘅煮法，於是就用左花雕雞油蛋白煮。蟹一到我的面前真的非常香，儘管入口的時候花雕酒味道不是太出，蟹殼所帶出的淡淡酒香，卻令人垂涎欲滴。蟹肉的比例與蟹膏是7:3，最適合只愛吃買蟹肉不愛吃蟹膏的我！大啖大啖咁咬，真係好爽㗎。
之後仲叫咗金銀蒜蒸龍躉腩、平時我都唔係好鍾意食魚腩，因為覺得佢太滑雪雪，有時仲會有啲腥味。不過呢度一共有10件，全部用蒜蓉烹調，能夠完全地去除腥味！入口時沒有骨，蒜汁浸入肉質內，把龍躉腩的精髓帶出來，我們四人也覺得不夠喉呢。
另外最估唔到呢度有鮑魚食，因為呢個價冇諗過可以食到靚野。這裏的鮑魚是經過冷凍，大小適中，且特別用上白胡椒汁作伴碟，肉質爽嫩，口感有彈性，忍不住把它在口腔裏咀嚼幾遍。
還有金華玉樹雞，這道菜幾乎在我每次吃私房菜時也會吃到。火腿整齊的排列，伴着雞，原以為火腿會鹹，但食落口先知火腿甜甜地，雞滑溜新鮮，肉亦是白白的。
差不多時間，再試埋招牌御膳炒飯，飯嘅份量十足，堆到成座山咁，好抵食呀！飯有鑊氣，飯粒分明，唔會炒到好油，仲有帶子粒同牛柳粒添。
甜品係椰汁紅豆糕，齋睇完全睇唔出有紅豆，原來紅豆整成蓉，鋪喺椰汁糕面頭。最特別嘅係切成玫瑰花形嘅士多啤梨，真係睇得又食得呀！椰汁加紅豆齋睇個名已經覺得好甜好漏，呀，點知一d都唔漏，唔會太甜，甜味啱啱好！椰汁糕有椰汁味得黎又唔會太濃太甜。紅豆蓉可以食到一粒粒嘅紅豆，為這道甜品增添了口感。見到有些花瓣和薄荷葉放在甜品旁，以為只是裝飾，店員聽到我們談論立即告訴我們原來這些配菜皆可食用。於是我好奇一試，薄荷葉搭配甜品感覺清新，你們也可以一試噢～
張貼
