蠔站 (荃新天地)

營業中

休息中

經過荃灣見到有10蚊隻生蠔，父親節個日同爸爸等一行4人去蠔站食，本身諗住生蠔10蚊隻唔知咩質素，少少地第一輪叫左1打先，雖然d蠔細細隻又唔肥美，但好新鮮好甜，10蚊隻超值，由於爸爸好鐘意食蠔，第二輪再叫2打，第三輪再叫3打，最後4個人total食左6打。淨係食蠔當然唔夠飽，另外仲叫左豬手同豬斧頭，除左10蚊隻生蠔之外，其他食物都幾貴，不過味道都好好。豬斧頭個味好好，但爸爸就厭佢d肉「鞋」，豬手好正 ，原本爸爸唔想食豬手，試左一舊之後佢都讚不絕口，d皮夠哂脆！仲叫左其他魚生，不過就唔係幾好食。上菜速度都好慢，人手又少，我地食完第一盤生蠔，要再等多30分鐘，先上第二碟菜。