泰 (瓊華中心)

營業中

休息中

今日係瓊華本身想食打邊爐，點知無book位無晒位，臨時轉場搵左間泰國餐廳，又係好爆場😅好彩等左一陣就有位。。3個人食order左個（晚市2人套餐$468）個套餐又幾抵食，好多野食😅最後都食唔晒。。🥢明爐冬蔭功海鮮湯擇呢個湯要另加$12，但幾值得加錢，剩係兩隻大蝦同啲海鮮都值回票價，酸辣度好正宗。。🥢青木瓜沙律份量超多，青木瓜刨到一條條絲加埋魚露同蘿蔔絲條好清新。。🥢泰式沙嗲4串可選擇豬、牛、雞。我地擇左豬同雞，勁大串，啖啖肉好抵食！。🥢半隻海南雞海南雞味濃，夠晒滑，配埋3種醬汁好惹味。。🥢泰式炒雜菜乜都有啲，岩晒有選擇困難症既我🤣。🥢泰式鮮蝦炒金邊粉加$28轉金邊粉。超多蝦，花生粒鋪面，金邊粉厚薄適中，甜甜地咁。。跟餐仲送兩杯咖啡，茶 或汽水。性價比極高👍🏼好抵食，400幾蚊有咁多款野食。