影片
更多
2021-10-03
1194 瀏覽
黎過呢度飲茶3次，前兩次都唔使等位，點知呢個星期日1130到達時，超。級。多。人！酒樓有訂枱服務，但只接收前兩天嘅預訂，現場攞飛嘅都可以，接待人員聲稱會梅花間竹咁嗌入座。我哋等左45分鐘之後，開始有人枯燥，話接待員只嗌訂枱，兩位嘅飛一直無嗌過，仲同經理展開駡戰。。。剝花生嘅我哋4人足足等左1.5小時先入到坐一入座立即點4個椰皇先，好快買曬，果然不負眾望，蛋白好滑，夠熱，椰香足，唔太甜，燕窩唔理佢堅定流呀，份量都多。價錢都係$48，加埋一都平過出面啲甜品鋪丫。其餘要點名嘅點心／小食有1）差燒，味道好平均，有肉香，燒得夠燶邊2）蜆芥鯪魚球，大大粒，好好肉地，凍左都唔腥，但蜆芥就麻麻，唔夠酒香。3）櫻花薄餅值得一提係姐姐嘅服務同專業，有好笑容，無乜笑容嘅姐姐雖然忙，但忙完又總會真係記得你提過要咩調味料啦同埋會加水之類呀，有（合理）求必應，贊！奉勸大家唔好黎飲下午茶，因為佢收4點，坐得唔耐之餘，好多點心都會賣曬，特別係個椰皇，同埋真係會熄燈收茶具架！
酒樓有訂枱服務，但只接收前兩天嘅預訂，現場攞飛嘅都可以，接待人員聲稱會梅花間竹咁嗌入座。我哋等左45分鐘之後，開始有人枯燥，話接待員只嗌訂枱，兩位嘅飛一直無嗌過，仲同經理展開駡戰。。。剝花生嘅我哋4人足足等左1.5小時先入到坐
一入座立即點4個椰皇先，好快買曬，果然不負眾望，蛋白好滑，夠熱，椰香足，唔太甜，燕窩唔理佢堅定流呀，份量都多。價錢都係$48，加埋一都平過出面啲甜品鋪丫。
椰皇燕窩燉蛋白
$48
17 瀏覽
0 讚好
0 留言
其餘要點名嘅點心／小食有
1）差燒，味道好平均，有肉香，燒得夠燶邊
2）蜆芥鯪魚球，大大粒，好好肉地，凍左都唔腥，但蜆芥就麻麻，唔夠酒香。
3）櫻花薄餅
值得一提係姐姐嘅服務同專業，有好笑容，無乜笑容嘅姐姐雖然忙，但忙完又總會真係記得你提過要咩調味料啦同埋會加水之類呀，有（合理）求必應，贊！
奉勸大家唔好黎飲下午茶，因為佢收4點，坐得唔耐之餘，好多點心都會賣曬，特別係個椰皇，同埋真係會熄燈收茶具架！
張貼
