彩福皇宴 (京瑞廣場1期)

營業中

休息中

大年初一當日，我們首次走到石門飲茶團拜！選址石門京瑞廣場1期3樓的 <彩福皇宴>； 叔叔先訂兩張枱，因為全場爆滿，去到都要等枱約半小時！以 QR code 落單，今次由我們一家人找數！一行23人，包括2歲 BB不計數，計22位茶錢茶錢 $17/位綠茶千層糕 賣相層次分明！ 我最想試這款甜點點心！軟綿綿的綠茶糕與奶黃相間，奶黃的甜美比輕微的綠茶味強烈，喧賓奪主！整體主要是奶黃的甜味！福建炒飯炒飯炒得粒粒分明，感覺不算油膩，而且醬汁不會重口味，最終清碟！XO 醬花姿片蝦球炆伊麵伊麵有點濕腍軟身，又均勻入味，味帶微辣！加上蝦、花姿片...等海鮮，不單調又口感豐富！

最近我去咗石門區一間茶樓，真係好好食！佢哋嘅蝦餃真係一絕，皮薄餡靚，每一口都充滿鮮蝦嘅鮮味，咬下去口感滑溜，真係令人回味無窮。除此之外，鮑魚燒賣都唔錯，鮑魚嘅風味和肉餡配合得宜，味道非常出色。我最鍾意嘅係椰子燉蛋白，口感細膩，椰香濃郁，甜度剛好，食完真係好滿足。不過呢，呢個甜品成日都會賣晒，所以如果想食，記得早啲去！每次我都會特意提早到，因為知道呢個一定要試。整體來講，呢間茶樓嘅點心品質高，無論係蝦餃、燒賣定係椰子燉蛋白，都有佢哋獨特嘅魅力。環境舒適，服務態度亦都好，真係值得推介！如果你喺石門區，唔好錯過呢間茶樓，保證會讓你食得開心！下次我一定會再返去，試多啲其他點心！

飲宴食蟹鉗叫待應拎紅色點蟹鉗的醬，她說:「唔洗調味料的！」到上翅問佢拎醋佢又話唔洗落調味料….！然後唔拎，明明隔離枱都有….！就係咁食咗冇味嘅翅，之後同經理投訴，佢問我要乜調味料即刻拎俾我，但係已經乜都食晒真係O個嘴！

男同事RL上星期相約女同事ES同我噚日（12-11-2024 Tue)食晏，都係飲茶啦，我哋去到都唔使等位，都係掃QR code落單，要咗：1. 芝味千絲春卷顧名思義係芝士餡，呢個外面嘅“千絲”有少少硬，餡料係芝士，鹹鹹地又幾好味。4分2. 叉燒腸餡料足，OK嘅。3分3. 綠茶杏仁千層糕前晚睇完破地獄，見許冠文食馬拉糕就想食，點知呢喥冇，就試呢個新嘢，呢個趁熱食好鬆軟，有蛋黃味又唔會太甜，綠茶味唔太出。4分4. 潮州粉粿平淡，唔夠五香味，又係冇沙葛。3分5. 菜苗餃充滿翠綠嘅菜苗，口感同味道都正常。5分6. 鳳冠餃有啲蟹籽喺上面，內裡有爽口蝦仁。5分7. 排骨口感正常，充滿蒜味又唔太鹹，好味。5分8. XO醬煎腸粉都係好熱亦都算辣。5分價錢：唔知有冇加一，total$395.00。2.75分上次食評係2024年5月8日刊登嘅呢篇:https://www.openrice.com/zh/hongkong/review/blue-%E5%9B%A0%E7%82%BA%E5%8F%AF%E4%BB%A5%E5%9D%90%E5%BE%97%E8%80%90-e5452942

今次同同事過嚟飲茶~點心推薦旋風流沙包個樣好特別有旋風紋喺上邊外皮超級軟熟, 奶皇內餡超級流心同起沙～好好食! 其他點心就正正常常~呢度啲炸物全部都係現炸嘅脆卜卜! 炸豆腐外面好脆, 炸粉好薄, 入邊豆腐好嫩滑! 炸白飯魚都幾大條, 亦都係好脆~好好食!炸子雞係每次必點~雞肉超級嫩滑, 皮好脆同好薄~ 點埋啲醬好惹味甜品叫咗芝麻卷~呢啲懷舊嘅甜品唔係度度都有, 幾特別~ 而且仲有啲金箔喺上邊賣相都幾靚! 唔會好甜, 仲好重芝麻味～幾好食

本身想食龍蝦記得呢度好平，不過呢期冇特價周圍都，所以放棄咗！因為一隻變咗要四百幾蚊嘅澳洲龍蝦太貴了限人數可以嗌幾多嘅一蚊蝦餃！好抵食，呢個大大粒亦都有一至兩粒蝦係入面 個皮煙煙韌 不過唔夠軟身有啲硬彩福對我哋嚟講係相對貴少少嘅酒樓，呢個紅棗糕正正常常同海港差唔多，不過就要成$30 皮蛋肉片粥同埋鯪魚球粥之下揀咗鯪魚球試吓新嘢，鯪魚球有五粒，不過一粒好細嘅，正常唔會話特別好味 早前喺大碗食嘅好味好多想食啲海鮮同埋菜呢個就啱晒，帶子海味雜菜煲非常健康清淡！好食得清淡嘅，我都要點豉油帶子有三粒，蝦球就有幾粒，好似清鮮味有啲少 但係粉絲嘅質素非常靚，好彈牙 亦都有一種香嘅粉絲味香嘅粉絲味醬油鳳爪勁大隻賣相勁靚，真係一分錢一分貨呢度嘅點心一般都係大份而且足料，底下嘅南瓜亦都好好味！雞雜有芋頭沙鮑魚肚同埋勁大嘅冬菇 呢個都好好味encore因為想食多啲肉最後嗌咗個壽包同埋油雞試吓，壽包好似冇之前咁好味不過啱啱蒸氣熱辣辣勁大粒 $20.1個入面有成隻蛋黃超抵油雞就正正常常，不過覺得佢冇乜肉 幾入味，有少少煙燻味係喎，唔記得咗講瑤柱蛋白炒飯，原來入面真係有好多海鮮粒！幾乾身，啲飯係偏硬嘅 正常環境好寬

放假當然要同屋企人去飲茶🤣🤣呢間彩福地點方便點心又好味😆.💎 $1 彩福蝦餃皇(特價)彩福蝦餃皇以鮮蝦為主要成分口感鮮嫩多汁每一啖都散發蝦肉既鮮甜味道物超所值😆.💎$38 棉棉兔蘿蔔酥蘿蔔酥外層酥脆內部就有蘿蔔既鮮甜酥脆口感相互交融每一啖都帶住輕柔既口感🥳.💎$40 綠茶杏片千層糕千層糕結合左綠茶同杏片既獨特風味層層糕點之間既口感組合豐富😎😌帶有茶香同杏仁既香氣每一啖都帶黎濃郁既滋味.💎$31 北菇棉花雞使用左嫩滑既雞肉同香氣十足既北菇雞肉口感鮮嫩搭配埋北菇既香味😎帶黎滿滿既風味.💎$65 脆龍魷鬚魷魚絲外層金黃酥脆內部帶有彈牙既口感每一口都帶黎爽脆既口感🫶🏻.💎$20 芒果布甸 以新鮮芒果為主要成分布甸口感滑嫩🥰🥳芒果既鮮甜味道好好食

好耐冇去過彩福了， 今次同屋企人去食晚餐， 估唔到服務同食物都改善咗好多服務方面， 大部分員工都很好笑容， 執碗快又幫忙影相， 之後第二日仲有打嚟跟進服務、食物如何。。。食物方面， 有好多優惠嘅， 尤其欣賞佢隻 片皮鴨， 好味之餘， 價錢非常之抵，亦只需$199/隻環境方面， 枱與枱之間亦很寬敞， 亦頗乾淨價錢方面， 八個人只食咗$12xx左右， 人均即係百幾蚊， 有片皮鴨又魚又菜又肉。。。 總括黎講，性價比好高下次再試埋飲茶先

舊男同事DN約我食晏，改咗期後就約3-5-2024（Fri）食，佢問我想食咩嘢？我話想食西餐但應該唔可以坐得耐，於是佢都係揀嚟呢間飲茶，佢就先嚟搵位坐低，我到lunch time就出嚟。佢就叫咗啲嘢食住先，有:1. 生煎包個底都煎得脆，皮厚，但餡料唔似係豬肉，似雞包仔。3分2. 豬皮豬紅韭菜咁啱呢個係大家都想食嘅嘢，食吓先，豬紅滑，豬皮同韭菜口感都適中，不過湯底係辣辣地。4分3.淨水餃見到一碗六粒大大粒，餡料係木耳同豬肉，味道清淡。5分之後再叫:4. 潮州粉果熱騰騰，太腍，又冇沙葛又冇五香粉，味道清淡，餡料亦同平時食嘅唔同，呢個一般。0.5分5. 叉燒腸凍嘅，腸粉太厚身，味就就正常嘅。1.8分6. 棉花雞熱騰騰，魚肚份量唔少，口感正常唔會太腍又唔，雞件同冬菇都係，不過雞件就鹹咗少少。4.7分價錢:唔知幾錢，因為同上次一樣，都係DN請。上次食評係2023年7月20日刊登嘅呢篇:https://www.openrice.com/zh/hongkong/review/blue-%E8%88%8A%E5%90%8C%E4%BA%8B%E8%81%9A-e4899641

繼年初二既早茶，最近幾個星期六／日我同家人都有黎飲茶，覺得服務大有改善，想留言讚賞：- 電話留位服務員李小姐及胡小姐有小心重複訂位內容，態度非常好- 服務員有主動收抬枱上食完的碟同籠見到服務大有改善，希望可以持續！平日飲茶最愛推介：- 燒賣 （燒賣界的天花板，必食）- 海鮮炒鴛鴦米 （有鑊氣，唔油，好好食）- 燒雞 （真脆皮燒雞，皮薄唔多肥膏，比之前的質量提升好多）最近見到有個手剪乳豬的優惠推廣，服務員話得3月13日晚有，個餐好抵食好吸引，不過咁啱果晚唔得閒黎唔到試，希望之後個優惠可以再做，再約班朋友黎食過🤤

平時我哋一般都會星期日嚟呢間飲茶，因為附近真係冇咩選擇，食物質素ok，不過平時啲服務都係非常之差，成到成枱嘢都冇人執枱。 每次有服務需要叫人幫手，啲阿姐都係當睇你唔到，而且平時訂枱，個知客成日都 mark漏，搞到明明有打電話去訂，去到就話你冇訂枱，呢種情況已經發生過最少兩次。今日大年初二，我哋一家9點嚟飲茶，諗住開開心心飲過新年茶，點知畀呢度啲服務員嚇親。我哋非常明白農曆新年飲茶，如果你個服務係好，派利是真係冇所謂，今朝一早目測有10個服務員，但成個場約十幾張枱有客， 因為啲服務員根本冇嘢做 ，竟然成班10幾個人咁過嚟逗利是，之後有一個新嘅客入到嚟，十幾個服務員 又衝上去嗰張枱恭喜發財逗利是，呢一個場景真係好失禮，可能酒樓冇諗過大年初二9點都咁少客，啲服務員又唔黎斟茶，現場竟然冇一個管理人去控制呢個場面，我私底下聽到啲客議論呢件事，其實作為服務性行業，真係有返自己嘅操守，咁大個品牌都咁丟架。

大年初一嚟到石門彩福飲茶,我唔明點解要開過年音樂嘈到不得知了,人已經好多嘈雜聲音,全場已經好嘈,侍應講嘢聽唔到,自己同台講嘢都聽唔到,唔明點解一定要開咁大聲音樂呢？叫佢關細啲,轉枱都冇用,全間酒樓全部都係喇叭,嘈到不得之了,簡直係精神虐待,噪音污染

行過無數次廣場，終於落腳到彩福。洗一洗，坐定定，就準備好要享受下廣東滋味喇！首先，原隻鮑魚燒賣皇，真係正！鮑魚咬落去勁彈牙，燒賣肉味咁濃，啖啖肉汁四溢，真係得意爆燈！跟住上嘅龍皇野菌腸。感覺個腸粉皮滑溜溜，仲包住雜菌同龍躉春卷，雜菌味夠香，只係春卷皮稍嫌軟咗點，缺咗個脆。食完點心，迷你蝦頭油海皇炒鴛鴦米就即刻登場！新鮮海鮮加埋炒得爽口嘅米粉與粉絲，芒🤤，返晒味，齋食都唔覺悶，乾蒜嘅香氣令人後添前湊！整體來講，呢度食物質素相當不俗，啱晒同家人朋友一齊享用。🥢🍲🍤味道好，場地又寬敞，彩福，睇來要多來幾次!

週末天，閒來無事，攞咗鏟同屋企人去了這飯店飲茶。坦白講，這兒嘅茶點充滿咗驚喜。首先，嗰叉燒腸，真係得意㗎！ 😋 外皮腍得黎又唔會太膩，叉燒肉味道剛剛好，幾正！食落去真係口感滑溜，回味無窮。跟住，馬拉糕就有少少令人無語 —— 開始我以為"唔錯呀"，咬落去好似有啲overcooked，硬啲，食落去有點噶力😅。不過，轉戰食鳳爪，又平衡返啲。雖然咸咗一細丁，但腍到極點，鳳爪腍到哂骨，掂！最後，山竹牛肉同燒賣就真係係今次食怏怏嗰兩樣突圍出來嘅甜頭了啦。山竹係牛肉裏頭帶嚟拍手叫好嘅爽脆口感，仲有埋嗰喼汁，簡直係媲美過山車嘅味覺刺激👍。而燒賣，食落去蝦仁得意彈牙，冇遮掩嘅鮮味，絕對一於正路！哎吔，真係話多了都白搭，總之呢啲點心令我回味無窮，下次仲會再嚟嫁！記住啊，來這家酒家少少準備，等埋單有時要耐心小小。轉眼，屋企人叫我埋單，啊，終於可以攞埋啡嘴，開心行啦！😁🥢🍵

在12月16日中午发生，因為当日中午完本订了四席 解穢酒，主人家在火葬場 做咗全部事情之後上車，打電話到酒樓 ，打電話通知咗酒樓同員工我哋會在半個鐘頭後到， 跟住對方話準備，但係搞笑嘅事情開始發生 ，個知客小姐話我哋呢訂咗枱都冇用因為遲到，所以將我哋嘅枱賣出去給客人， 我哋捉捉企喺門口攬住先人相片，你說如何情況出現，最好笑的 是，我們全部人在门口等了4O分鈡有此親人叫不用吃，但是因為有订金原因，再次问知客得来结果都是一句， 你們遲到所以要等， 要登幾耐先至可以有位畀我哋入因為啲老人家同小朋友已經好不耐煩， 她说答不到，最后家人开始直入大堂找高層，将情況给他知，誰不知和门口几位冇知識豬頭一樣， 因為知道所以要等， 搞到我幾個親戚叶打嗌殺先至有機張胎畀我哋啲客人食咁你話係咪令到先人都難堪？