瑞榮餐室

營業中

休息中

同友人夜晚經過， 見到餐牌嘅吸引就入咗去。友人叫左個白酒汁慢煮蜆肉天使麵，天使麵份量好多，以女仔來說足夠食兩餐， 汁醬都好夠味道，忌廉味唔會太濃烈，透出淡淡嘅酒味。蜆肉好多粒 有十幾粒天使麵麵質唔會太硬， 剛剛好熟。見到台式肉燥飯拼雞扒飯照片賣相很吸引， 所以叫了一份，肉燥份量多，足以送曬成碗飯，而且味道啱啱好，唔會太鹹。雞扒幼嫩多汁,有成個手板咁大,雞皮煎得好香脆,好好食。至於XO醬西蘭花炒牛肉，牛肉同西蘭花嘅比例近乎各佔一半， 牛肉味濃， 烹煮時間剛剛好，唔會老。西蘭花亦一樣，顏色翠綠，沒有煮過頭，粒粒都咁爽脆。兩個人分別嗌咗西有柚梳打同凍檸茶。西柚梳打飲落很清新，可以一解飯菜的膩感， 內有兩塊檸檬，又可以平衡酸甜美， 仲有一些雜果塊。 凍檸茶茶底夠濃。環境闊落，裝修靚，好舒服，多卡座， 私隱度高。