影片
更多
2022-07-22
347 瀏覽
一路都知西營盤有一間好靚嘅西班牙餐廳，就趁住放假，星期日帶屋企人嚟試吓。午餐性價比非常高，$198包一個前菜及主菜，如果想追加甜品加$20。我哋一行四個，所以都可以試到好多嘢，當中我最推介嘅前菜就係海鮮湯同蜆(+15)海鮮湯配上兩件蒜蓉包，個湯鮮味十足，夠晒濃郁。都唔可以叫做湯，同汁差唔多🤣🤣對於我呢個鍾意咁重口味嘅人士就好啱。個蜆同湯嘅base大同小異，不過就多咗白酒味，煮得唔錯。然後到主菜，10分10分推介依度嘅鴨肉意粉，已經撕開既一絲絲鴨肉加上扁麵，扁麵好香蛋味，夠掛汁。鴨肉一啲都唔蘇，係我哋最快清盤嘅一道主菜。另外牛面頰薯蓉亦都好正，牛肉炆得好入味，薯蓉夠滑。調味亦不會死鹹。甜品方面我哋每樣加咗一個，豆腐Panna cotta真係好正😋奶味同豆腐平衡得好好，唔會有一方面搶咗，唔知點解可以整得咁滑😝一個人食一個都絕對冇問題。整體來講環境好chill ，星期日難得輕鬆，嚟依度打卡食飯確實不錯。
午餐性價比非常高，$198包一個前菜及主菜，如果想追加甜品加$20。我哋一行四個，所以都可以試到好多嘢，當中我最推介嘅前菜就係海鮮湯同蜆(+15)海鮮湯配上兩件蒜蓉包，個湯鮮味十足，夠晒濃郁。都唔可以叫做湯，同汁差唔多🤣🤣對於我呢個鍾意咁重口味嘅人士就好啱。個蜆同湯嘅base大同小異，不過就多咗白酒味，煮得唔錯。
然後到主菜，10分10分推介依度嘅鴨肉意粉，已經撕開既一絲絲鴨肉加上扁麵，扁麵好香蛋味，夠掛汁。鴨肉一啲都唔蘇，係我哋最快清盤嘅一道主菜。另外牛面頰薯蓉亦都好正，牛肉炆得好入味，薯蓉夠滑。調味亦不會死鹹。
甜品方面我哋每樣加咗一個，豆腐Panna cotta真係好正😋奶味同豆腐平衡得好好，唔會有一方面搶咗，唔知點解可以整得咁滑😝一個人食一個都絕對冇問題。
整體來講環境好chill ，星期日難得輕鬆，嚟依度打卡食飯確實不錯。
張貼
