The Wall Street Bar & Lounge

營業中

休息中

第一次嚟到尖沙咀近呢一間餐廳，環境真係超正。我哋九點嚟到，叫咗二人套餐同埋加咗錢飲Cocktail。食物同埋飲品都勁正。二人餐包咗兩個頭盤，我哋點咗蟹肉薯餅球（配墨西哥辣醬）同三文魚他他汁千層。薯餅球脆卜卜熱辣辣，加埋個醬真係好好食。三文魚他他口感十足，係一個出色嘅頭盤！意粉方面有一款，因為見到網上食評好多都介紹蒜香蜆肉扁意粉，我哋都整咗一份。好多蜆肉，同埋意粉真係超級香，係小精靈最喜歡嘅一道菜。但係注意返呢個意粉都幾辣下，唔食得辣嘅朋友仔記住先同店員確認清楚先好點啊。主菜就係令到我哋好難揸主意嘅一part，經過咗5分鐘嘅討論，最終揀咗鵝肝配8oz澳洲燒牛柳。medium rare 牛柳煮得好好，而且已經切埋，易分。鵝肝脆卜卜，10分好味！原本好想試甜品，但係呢個二人餐份量真係好多我哋最後食唔落。但係嗌咗一杯叫做mind嘅Cocktail，唔單止個樣好靚，仲要係超級Refreshing真係好好飲。小精靈一開始係希望店員可以介紹一杯冇咁甜嘅Cocktail，而呢一杯mind就係店員介紹嘅。多謝你，真係好合我嘅口味！！好想下次再返嚟。店員仲同我哋提過其實酒吧每日都會有happy hour，