豐鍋雞煲 (京瑞廣場1期)

營業中

休息中

一路都好鍾意食麻辣雞煲，咁啱經過見到呢間雞煲好多客人，咁就一於入去試吓啦，等咗一陣就到我哋啦。我哋叫咗麻辣雞煲嘅大辣，一上枱已經聞到好香，而且雞肉份量好多，煮咗一陣就食得啦。雞肉非常嫩滑，而且辣味好香，越食越開胃啊。食完雞煲之後就梗係加湯打邊爐啦，佢加嘅唔係清水，而係上湯，食落好似換咗個新嘅湯底咁。另外都非常推薦呢個手打丸，食落非常彈牙，而且蝦感覺好新鮮，唔使點豉油已經好好食。呢度好特別嘅係竟然仲有椰青飲，好少雞煲有椰青，多數都係可樂，估唔到雞煲同椰青咁夾，消暑之餘又解辣。