うどん処 今助

營業中

休息中

同先生喺新九龍廣場搵嘢食嘅時候，被餐廳嘅名字吸引，於是去一探究竟，門口樹立咗部份餐牌，價錢合理，份量又多，似乎係個好選擇。定食套餐包牛肉烏冬鍋加帶子、三文魚同吞拿魚壽司各兩件，烏冬係手作自家製，比一般讚岐烏冬粗，而且口感更煙韌彈牙😍湯底係日式濃醬油湯，帶甜味，配上牛肉、鮮冬菇同溫泉蛋，整體好夾好好味😋溫泉蛋偏向似馬來西亞嘅生熟蛋，非常水嫩，亦係另一亮點♥️帶子又大又肥美👍🏻但三文魚同吞拿魚就切得稍薄，欠缺口感🙁先生叫嘅定食比我嘅平$20，壽司部份比較豐富，有吞拿魚、鯛魚、帶子、三文魚、牡丹蝦、鰻魚同甜蛋壽司，帶子司牡丹蝦刺身新鮮肥美😋鰻魚同甜蛋壽司中規中矩，但吞拿魚、鯛魚同三文魚切得薄咗少少🙁至於烏冬就冇我嘅牛肉烏冬咁吸引，雖然麵質同樣彈牙，但湯底比較清淡，而且配料欠奉，整體比較寡，不過以咁嘅價錢嚟講，有七件壽司加一碗烏冬，已經非常抵食，性價比好高。