うどん処 今助

今日試咗間日式小店，叫咗個$85套餐，包括迷你牛肉湯烏冬、焙茶蛋卷同凍檸茶。餐牌有啲誤導——文字無寫包飲品，但圖片明明有杯凍飲！落單時店員匆匆講句「有飲品」就算，無問甜度選擇，結果送上嚟係偏甜嘅凍檸茶，對我來說甜度有點過頭。食物方面反而有驚喜：迷你烏冬份量唔算少；焙茶蛋卷茶味柔和，口感軟熟。以價錢來講，呢個配搭算幾抵食。朋友叫咗正常版烏冬加壽司，壽司幾大件，算正常。但最奇怪係，我同朋友食完之後，兩個人都成晚極度口渴，不停飲水都解唔到。明明無食到好鹹嘅嘢，但身體反應好明顯，唔通係有味精? 雖然套餐性價比高，但為咗健康，短期內都係唔敢再幫襯了⋯⋯建議店家留意一下湯底或食材嘅調味，畢竟客人食得安心先會回頭啊。…查看更多

今助店於大角咀商場內！所以平日顧客大多數係一家大細街坊客😘晚餐套餐：迷你牛肉烏冬鍋流心雞蛋係牛肉鍋嘅靈魂👍焙茶卷蛋焙茶味好香濃甜度剛好！和風薑汁牛肉飯定食份量多👍味道一般山海烏冬鍋+四件壽司一人餐👍份量足😘…查看更多

星期日都要開工，放工決定食飽d！大角嘴好多好野食，但好耐無幫襯，所以去回味下！第一次食已經係10年前，第一印象係好homey,熱辣辣好好味！今次水準一樣好，只係價錢變咗我叫左個牛肉烏冬和壽司套餐，d牛無乜脂肪，個湯入味。壽司拼盤粒帶子好大粒，見到已經開心。同行有人叫壽司🍱，我覺得烏冬好食d！有人叫鯖魚定食，d骨唔難挑，好juicy,唔會好柴！烏冬仍然係秒殺的！呢餐非常飽足！只係等得有少少耐，因為full house,又即叫即煮。如果唔趕時間，呢餐真係好好食！…查看更多

經過餐廳時，見裝修舊舊地以為麻麻，所以純粹諗住填飽就算叫左個雞湯烏冬鍋 試試個湯底好濃白胡椒同埋雞骨味，濃味得黎又唔會好膩，幾好👍🏼雞肉就正正常常另外個烏冬麵同平時食開既日本烏冬唔同，比較厚身同煙靭，問返職員先知原來係自家製，口感都好好整體評分7/10日常飯黎講，價錢合理又幾好食…查看更多

呢道天婦羅蝦炸得金黃香脆，蝦肉鮮甜，口感極佳。金針菇更添一絲爽口，扇貝鮮嫩滑口，蜆肉味道鮮美，海味十足。肥牛烏冬煮得剛好，麵條滑順，湯底清甜，令人一口接一口。整體來講，這道菜式色香味俱全，材料搭配得恰到好處，無論係食材新鮮度還是味道，都令人非常滿意。…查看更多

今日中午去咗大角咀搵朋友食午餐，咁我哋食日本嘢啦決定搵間日本料理食。本身想食拉麵專門店嗰啲但係排晒隊咁就算啦，跟住OpenRice見到呢度附近有一間叫做金座嘅日式料理，見到評價都唔錯就決定行過去試一下啦。去到門店嘅時候呢發覺都唔係好多人喺度食午餐咁都尚算仲有三份一空位，咁我哋就唔使等位直接入咗去啦。咁一坐低呢？我哋喺度搵緊lunch嘅Menu，但係發覺呢原來冇嘅咁所以呢要食返平時正價嗰啲嘢食啦，咁我哋就覺得好似有啲貴喎對午餐嚟講。Anyway我哋最後呢就嗌咗個牛乳烏冬啦，同埋個海鮮烏冬，但係我個牛乳烏冬呢係都算幾好食，因為呢除咗有牛奶嘅香味啦，佢有呢個黑椒嘅味道10分醒神。但係朋友就話佢嗰個呢就比較鹹啦，唔係好多海鮮，咁就一般般啦。簡單嚟講呢佢$75呢個價錢，唔包嘢飲前菜甜品，對於午餐嚟講，我覺得算係偏貴嘅，但係質素我覺得都算係咁啦，大家如果午餐諗唔到食乜嘢都可以過嚟試吓。…查看更多

今助係一間日式定食餐廳，喺大角咀已好幾年，佢出名嘅食品係烏冬鍋。當我哋想食烏冬時都會去今助。今次我哋揀咗豆乳豚肉烏冬鍋，牛肉烏冬鍋，山海烏冬鍋及和風薑汁豚肉飯定食。豆乳豚肉烏冬鍋烏冬係自家製，每條烏冬嘅粗幼度都略有不同，不過一樣彈牙有嚼頭。 豚肉份量十足，鮮嫩無比亦唔肥，配料有金菇， 鲜冬菇，雜菌和青菜，口感豐富。可惜，湯底豆味不夠濃味，不過，湯🥣鍋上枱時， 奶白嘅豆乳湯熱辣辣，口感幼滑，味道都不錯，彌補了豆味嘅不足。牛肉烏冬鍋牛肉不少兼滑嫰，鍋中有一隻溫泉蛋，混合甜甜地嘅壽喜燒湯底，蛋汁和湯掛上烏冬， 烏冬滑溜無比，味道真不錯😌， 加埋配料， 好飽肚。山海烏冬鍋山海烏冬材料豐富，有原隻帆立貝，幾隻蜆，肥牛，溫泉蛋，雜菜，鮮冬菇，金菇，仲有大大隻天婦羅蝦。湯底係壽喜燒湯底，帆立貝肉質鮮嫩而且厚身。 大大隻嘅天婦羅蝦外脆內嫰和鮮甜無。 肥牛滑嫩，加埋溫泉蛋，雜菇和青菜， 全個烏冬鍋鮮甜無比。和風薑汁豚肉飯定食豚肉鮮嫩多汁， 份量適中嘅洋蔥和薑嘅微辛風味，配上日本🇯🇵 醬油和酒，不僅氣味讓人食慾大開，味道亦非常 好送飯且營養滿分😌 此外，定食包了一 小碗配上 天婦羅脆脆嘅烏冬和一碟醒胃酸爽嘅青瓜， 包羅萬有，食指大動，正唷😍…查看更多

今天想享用一個快速午餐，然後下午去行山。平日經過這家店總是看到很多人在用餐，今天就決定試試看。餐牌的選擇並不是很多，所以很快就選好了要吃什麼。滑蛋豬扒飯定食這個定食包含了三樣食物，有青瓜、豬扒飯和一細碗烏冬面。醃制的青瓜味道酸爽，作為前菜非常醒胃。豬扒飯的米飯比較鬆散，不像一般吃到的日本珍珠米那樣黏稠。豬扒炸得很好，外皮金黃酥脆，內裡肉質鮮嫩，再配上雞蛋，不會過於油膩，亦沒有油膱味。豬扒上撒上蔥花及洋蔥，搭配得很好。洋蔥可以再煮腍一些，而汁料稍微有點不夠甜，可以再多加一點味醂。烏冬屬於粗身，有嚼勁，配上一些蔥花和天婦羅的脆脆，味道不錯，很好吃。豆乳豚肉烏冬鍋這烏冬一樣屬於粗身，煙靭有咬口。湯底非常濃郁呈奶白色，餐牌上聲稱是用自家豆乳製作的，但並沒有太明顯的豆味，不過湯還是很香滑、很美味的，不清楚有否加了任何味精。豬肉切得很薄，是半肥瘦的肉，上層瘦肉下層肥肉，還加入了很多蔥花、高麗菜、本菇及冬菇，所以吃起來並不油膩。吃飽後來杯綠茶，非常舒服。兩個餐的分量都很大，價格也合理，非常划算，難怪這麼多人光顧。…查看更多

大角咀比較少黎 行番出去旺角食都可以 不過今晚就係呢頭搵野食.. 結果行下行下見到有呢間店就入去試下啦最後睇完點了,香滑雞烏冬鍋, 可樂.可樂一罐上, 正常啦.滑雞烏冬鍋, 上鍋既時候都係熱辣辣既~ 滑雞就唔算多, 味道正常啦...比較多配菜,  冬菇 豆卜等食落去又無咩特別 只係食完都會比較口渴...環境都算寬敞 咁岩個晚又唔算多人食, 都唔會嘈~總結~ 只係因為經過呢頭所以試一間未食過既餐廳而已~…查看更多

之前經過見裝修好有特式, 同比外面的相片吸引, 琴晚見好似有d涼涼地,啱啱有機會來試一下, 不過真係以鍋烏冬為主, 可以齋叫鍋, 亦可以叫定食配壽司, 我就揀左豚肉豆乳鍋配壽司, 豆乳我又飲唔出, 不過d湯好熱飲落好舒服, 另外入面有本菇和冬菇同好少旺菜, 壽司就一般般, 唔係特別出色, 但個豆乳湯飲落咸左少少, 我覺得淡d比較好, 價錢都貴左少少架, 因為要加一, 但其實無乜服務😅, 但環境舒服的👍, 但建議大家就唔好叫豆乳湯底, 琴晚回家勁口渴🤣我再去都唔敢再食豆乳湯了…查看更多

最近先開始喺大角嘴附近返工，入商場涼冷氣時見到呢間，$105有鍋燒烏冬+壽司價錢合理幾吸引，環境無錯，就試下。12點開門，我12:10左右到無咩人，12:30就滿座。叫左個「香濃滑雞烏冬鍋+4件壽司」午餐定食：有2件三文魚2件帶子，一個熱辣辣嘅烏冬鍋。烏冬份量都唔錯，仲有好多菜、豆腐卜、同好幾種唔同嘅菇。雞肉都算滑，唔會overcooked。個湯唔會太油/太鹹，幾健康，味道唔錯。烏冬應該真係手打，唔係嗰d急凍打邊爐烏冬。另外魚生味道同新鮮程度都ok。少少批評：上菜速度偏慢（可能剛剛開舖？），同埋員工好似唔熟架步咁？（一入去，我企左喺度，聽佢地兩三個討論左好耐我1位係應該坐邊度😅）…查看更多

大角咀不嬲都多嘢食呢日經過新九龍廣場見到間日式裝修嘅餐廳就入咗去試吓星期日七點左右，唔使等位都有位坐一坐低職員就會遞上一杯茶🍵見餐牌寫到低卡豚肉豆乳烏冬鍋 比吸引咗🫢好似好健康果然一上到黎熱辣辣 而且唔肥湯底奶白色 飲落去好香 裡面有豚肉份量都幾多加上壽喜菇及椰菜絲有陣胡椒香 但唔會好辣 健康好味另一個叫左個壽司拼盤定食朋友係落單時講話唔要帶子壽司所以有四件三文魚壽司同鰻魚壽司 🍣好食有鮮味😋😋不過覺得餐廳冷氣唔太夠😅烏冬又熱辣辣 真係食到身水身汗🫣但係！值得一試！👍🏻👍🏻…查看更多

估唔到咁殘舊嘅新九龍廣場都會搵到好嘢食😌✔️服務用餐當日係炎炎夏日，一坐低已經問我使唔使飲杯冰茶，好窩心。由於我揀嘅位比較近廚房，侍應主動提出安排我坐另一個位，話通風會比較好。呢種服務態度值得一讚💨✔️味道 價錢餐牌有好多選擇，每款嘅賣相都好吸引！今次就order咗辣麵豉豚肉湯烏冬拼壽司。壽司有鮮甜味，好新鮮。烏冬夠晒熱，夠軟熟。不過份量唔夠多，反而菜就好多。價錢嚟講同一般定食差唔多，質素絕對對得起呢個價錢。…查看更多

見裝飾都幾骨緻 決定試下佢虛實😏啱啱入到去得6點幾 都無咩人 幾好坐見餐牌寫到低卡豚肉豆乳烏冬鍋 而被佢深深吸引好似好健康 仲要唔肥 朋友就揀左牛肉烏冬鍋先講評下牛肉烏冬鍋 上到黎熱辣辣牛肉鍋有附溫泉蛋 個溫泉蛋好正 配埋壽喜湯湯底 甜甜地 好味😋 我俾4粒⭐️跟住到豚肉豆乳鍋❣️ 都係好熱辣辣佢湯底奶白色咁 飲落去好香 有陣胡椒香 但唔會好辣 健康好味 我好滿意 我俾5粒⭐️但其實都有啲美中不足嘅地方🙃我個豚肉豆乳鍋係附5件壽司壽司真係好麻麻 壽司仲暖暖地 一夾即散 唔建議試 我只會俾2粒⭐️相對烏冬真係出色好多 但烏冬湯底正 夠熱 可惜嘅係烏冬太冧 仲有可能真係烏冬太熱 冷氣又唔夠 真係食到身水身汗😅 但值得一試👍🏻…查看更多

大角咀一向多出色驚世小店，今日朋友帶我慢步行10分鐘，到達一間隱世日式美食，高質吸引。服務員細心安排，溫柔有禮，令你體會高質服務。我的貪心，決定樣樣都試壽司類，湯烏冬，以安慰為食的心。有炙三文魚壽司（油份較高），三文魚壽司（有鮮味），吞拿魚壽司（絕不油膩油），帶子壽司（厚切驚喜），鰻魚壽司（心水至愛）。豚肉豆乳胡椒烏冬：服務員細心解說有胡椒微辣，更見證其細心。開心嘗試新口味時，發現豆乳與胡椒十分相配，豆香加上胡椒的刺激，令人食指大動。豚肉份量不少，加上壽喜菇及椰菜絲，使鍋物更出眾。…查看更多