敏華冰廳 (德福廣場1期)

營業中

休息中

話說今日要去九龍灣附近返工咁lunch就去德福睇吓有咩食先，見到敏華冰廳就入去試吓。要了沙茶牛肉公仔麵拼滑蛋雙腸及歐式軟多士$52 再加凍奶茶$3。沙茶牛肉公仔麵個沙嗲汁真係好好唔似一般茶餐廳啲沙嗲咁淡味，公仔麵唔會煮得太un或太淋。炒蛋好有牛奶味好食過華星冰室嗰啲多多聲，腸仔煎得唔錯唔會太窿，多士整得好脆口加上牛油真係超好食。特別要講下杯凍奶茶佢唔係直接落冰係啲奶茶到，係冰鎮嘅咁樣做就唔會溝淡奶茶嘅味道非常抵讚。