山洞食堂

營業中

休息中

今日有朋友約我係黃竹坑食dinner，我第一間餐廳諗到嘅就係位於The southside嘅呢間韓燒餐廳，之前嚟過一次，已經比佢嘅裝修吸引到，好多岩洞設計，真係好特別，而且坐位都相對好闊落，坐得超舒服，食完韓燒之後亦都冇全身臭味，食物當然都係好好食啦！一坐低就俾咗好多份banchan，樣樣都好好味，種類咁多，真係好啱食！今晚我哋決定叫宮 饗宴，$788兩個人其實都好抵食，一嚟就係有我最鍾意嘅韓式蒸蛋，同埋大蔥沙律，最鍾意大蔥沙律好爽脆，加埋辣辣地，但係又唔會太攻鼻，用嚟夾住烤肉食真係最正！韓燒嘅項目，就有薄切牛舌、牛小排、黑毛和牛西冷、鹽選腹胸肉、豬肋肉同埋濟州大八爪魚。最驚人嘅梗係就係大白爪魚啦，呢一種海鮮喺韓國好出名，我自己本身亦都好鍾意，燒完之後個口感剛剛好，加埋kimchi一啖食落去真係無敵好食。豬肉都比外面一般嘅餐廳好味，除咗味道條配得剛剛好，亦都唔會鞋。另外都有韓式撈起拌麵，最鍾意就係呢個夠蔬菜，加埋而家天氣開始熱，食呢個就最啱啦，唔會食到成身汗。韓式燒雜菌係用咗牛油同芝士，所以一定係超好食。飲品方面就叫咗個菠蘿特調酒同個葡萄梳打，兩個都好好飲，唔會話太甜！