渡邊屋

營業中

休息中

餐牌勁多選擇，我同朋友睇到花多眼亂，環境設計簡單，高枱椅坐得舒服，窗口位可以望街景，先點個真鱈白子配酸汁，加少少七味粉同香葱係上面，白子超級滑捋捋，近乎入口即溶，酸酸甜甜，好開胃又好味，之後點左個刺身盛盒，包括三文魚、油甘魚、真鯛、甜蝦、帶子、海膽魷魚卷、𩶘魚，全部刺身都好新鮮，而且厚切十分有質感，配芥末一流，辣味三文魚手卷好惹味，粒粒三文魚配青瓜絲同香葱絲，仲有啲辣沙律醬，超好食，最後叫埋個爆丼牛肉飯埋尾，真係大滿足飽到上心口，女仔食要兩個人先食得曬，我地埋單都係$722，性價比極高🥰