牛站(駅)麻辣火鍋放題

營業中

休息中

朋友仔心思思想打邊爐，網上見到呢間評價好似幾好，上到去好多人等緊，不過地方夠大所以都唔會迫，又好彩一早訂左位。我地叫左SRF美國極黑和牛片餐120分鐘任食，行左一圈發現食物種類好多，個自助區好大，相中可以睇到食物選擇極多。只係都頭盤有好多選擇，連我鐘意食既麻辣魚皮，豬耳都有。飲品都好多款，有酒類，又有細細支嘅樽裝飲品，例如蔘蜜，更有珍珠奶茶。蔬菜好新鮮，而且種類繁多，而羽衣甘藍，冰菜都竟然會有。亦有大量唔同既丸類，熱食同甜品，岩晒咩都想食既朋友仔。肉類要手機落單，除左肉仲有海鮮同熟食。佢嘅牛牛質素真係好唔錯，有牛味又有油香。甜品係自助區拎，超多選擇，水果甜，有蕃茄仔亦有蛋糕泡芙雪糕任食。一個價錢包晒咁多野真係超值👍🏽一定有下次，嚟緊又諗住帶其他朋友試下，順便食埋啲上次未食到嘅嘢。