影片
更多
2022-08-03
303 瀏覽
估唔到鬧市中都可以有露營嘅感覺！仲可以嘆住冷氣食燒肉！位於尖沙咀嘅火土燒肉 就以露營為主題，帳幕位同圓木枱都好啱打卡！不過就要預早book定~ 如果唔想坐露營凳，都可以坐返卡位。餐廳放滿露營用品，加上露營餐具及露營燈，好有feel呢餐廳環境闊落，裝潢充滿心思之餘，價錢都唔會好離地，食完亦唔會成身燒肉味。想打卡//有冷氣咁感受下露營燒肉嘅朋友仔，不妨一試呢~▪️燒肉拼盆 $378牛肋肉/ 牛舌 /牛胸腹/ 豚肉燒/ 豚五花 / 雞腿肉一個拼盆有齊牛豬雞，啱晒樣樣都想試少少嘅朋友仔。整體質素都ok，全部都經醃過有鹹味。牛胸腹油香十足，肉質軟彈，不失牛味同肉汁，不過其中一塊就有筋位。牛舌薄薄一塊，不失爽彈。豚五花油脂豐盈超搶火，肥膏位Q彈。朋友燒到雞腿肉嘅雞皮超脆，帶油香之餘又唔會好油膩，俾返啲掌聲佢先▪️阿波酢橘雞膝脆骨 $78有得揀塩/蒜香芫荽醬/辛辣味噌。今次就揀左辛辣味噌，幾惹味喎~ 不過記得唔好燒太耐呀，如果唔係會變到好硬。▪️牛油燒廣島蠔 $78廣島蠔都幾飽滿，無我最怕嘅腥味，仲好濃蒜味呢~▪️生菜 $38食燒肉必點生菜！生菜新鮮爽口，唔老唔苦澀，包肉一流~▪️月見醬燒飯糰 $38飯團表面
如果唔想坐露營凳，都可以坐返卡位。餐廳放滿露營用品，加上露營餐具及露營燈，好有feel呢
餐廳環境闊落，裝潢充滿心思之餘，價錢都唔會好離地，食完亦唔會成身燒肉味。想打卡//有冷氣咁感受下露營燒肉嘅朋友仔，不妨一試呢~
▪️燒肉拼盆 $378
牛肋肉/ 牛舌 /牛胸腹/ 豚肉燒/ 豚五花 / 雞腿肉
一個拼盆有齊牛豬雞，啱晒樣樣都想試少少嘅朋友仔。整體質素都ok，全部都經醃過有鹹味。
牛胸腹油香十足，肉質軟彈，不失牛味同肉汁，不過其中一塊就有筋位。
牛舌薄薄一塊，不失爽彈。
豚五花油脂豐盈超搶火，肥膏位Q彈。朋友燒到雞腿肉嘅雞皮超脆，帶油香之餘又唔會好油膩，俾返啲掌聲佢先
▪️阿波酢橘雞膝脆骨 $78
有得揀塩/蒜香芫荽醬/辛辣味噌。今次就揀左辛辣味噌，幾惹味喎~ 不過記得唔好燒太耐呀，如果唔係會變到好硬。
▪️牛油燒廣島蠔 $78
廣島蠔都幾飽滿，無我最怕嘅腥味，仲好濃蒜味呢~
▪️生菜 $38
食燒肉必點生菜！生菜新鮮爽口，唔老唔苦澀，包肉一流~
▪️月見醬燒飯糰 $38
飯團表面經燒過，加埋隻蛋黃超吸睛呢~ 入口微甜帶焦香，唔會好乾，加上蛋汁就更滑溜！
▪️一口炸芝士 $38
外皮香脆唔油膩，內𥚃軟滑走忌廉芝士嘅路線，而唔係鹹香拉絲個種~ 食嘅時候小心睇熱呀
▪️抹茶蕨餅 $48
蕨餅軟Q滑溜，可惜茶粉味道偏淡
張貼
