莊館 (已結業)

朋友話Mott32開左間姊妹店，有好多影相位打卡位，於是我地就book左星期五食lunch。餐廳係Lee Garden第三期地下，一入商場就見到，門口裝修已經好靚，長長嘅樓梯落餐廳，好適合影相。當日星期五嘅lunch time 唔多人，我地要求坐卡位，影相靚d麻我地無叫lunch set，點左幾樣係Openrice 有人讚過嘅餸。呢道係慢煮口水和牛面頰配西瓜，真係無諗過西瓜同牛同辣係咁夾，辣汁配西瓜頓時感覺清新，一d油膩感都無，好味黑磚豆腐，出面好鬆脆，入面豆腐超滑，配埋炒過嘅蒜蓉，好味軟殼脆蟹腸粉，呢道一般，軟殼蟹同腸粉好似唔太夾，唔算好味。雪菜泡椒燒鵝龍鳳米，唔太覺有泡椒味，但味道都可以，不過不失。最後點左個魚湯浸菜苗，魚湯味好濃，仲有真魚肉，好味整體來說，食物味道幾好，又多影相位，可惜價錢太貴，呢5道菜食左$810，未必會再食。但未尼過嘅可以一試，又食又影。