影片
更多
2023-08-23
29 瀏覽
肥仔好掛住築地市場嘅日本生蠔呀，好彩俾我搵到高質日本生蠔店 - 牡蠣小屋，一解思鄉之情。日式居酒屋嘅開放式吧枱同榻榻米座位都令我一秒飛到日本，而且有好多唔同新鮮牡蠣同菜式嘅選擇，肥仔流晒口水喇！🦪辣拌鱈魚胃泡菜🦪香辣鱈魚胃好爽脆，辣味醇厚，口感韌勁十足。配上芝士餅乾中和辣味，回韻竟帶點香甜，層次十足，令人胃口頓開。🦪日本生牡蠣山蓉鍋🦪選用刺身級生蠔，湯底用真昆布熬製，不是用味精粉嘅濫竽充數之流可比擬。日本時令白紅蘿蔔、大蔥、金針菇令湯頭更鮮甜。店員會幫忙烹調，煮滾過後再煮一陣，等蔬菜吸收昆布嘅味道，再加上山蓉，令口感更加綿密 。生蠔手掌咁大，兩隻兩隻慢慢加，大滾之後十秒就食得 ，因為係刺身級，蠔味濃郁鮮甜，juicy綿滑又彈口！🦪活鰻魚海膽壽司🦪壽司飯粒軟硬酸度溫度掌握得準確，這是食壽司的最最基本。鰻魚的厚度及覆蓋面也很足夠，蒲燒汁不會太濃，燒起來的鰻魚身肉質彈牙；而最出色的是海膽，不但甘香，而且夠黏，入口即化，滿足感up!🦪鐵盒燒生蠔 半打🦪猶如月餅罐嘅鐵盒，原來每個都係由日本訂製返嚟，薄身且傳熱快，令燒完仲可保持蠔汁。做法跟足日本漁夫嘅土法，將生蠔放進鐵盒蒸架之上，加入清酒燒14分
🦪辣拌鱈魚胃泡菜🦪
香辣鱈魚胃好爽脆，辣味醇厚，口感韌勁十足。配上芝士餅乾中和辣味，回韻竟帶點香甜，層次十足，令人胃口頓開。
🦪日本生牡蠣山蓉鍋🦪
選用刺身級生蠔，湯底用真昆布熬製，不是用味精粉嘅濫竽充數之流可比擬。日本時令白紅蘿蔔、大蔥、金針菇令湯頭更鮮甜。店員會幫忙烹調，煮滾過後再煮一陣，等蔬菜吸收昆布嘅味道，再加上山蓉，令口感更加綿密 。生蠔手掌咁大，兩隻兩隻慢慢加，大滾之後十秒就食得 ，因為係刺身級，蠔味濃郁鮮甜，juicy綿滑又彈口！
🦪活鰻魚海膽壽司🦪
壽司飯粒軟硬酸度溫度掌握得準確，這是食壽司的最最基本。鰻魚的厚度及覆蓋面也很足夠，蒲燒汁不會太濃，燒起來的鰻魚身肉質彈牙；而最出色的是海膽，不但甘香，而且夠黏，入口即化，滿足感up!
🦪鐵盒燒生蠔 半打🦪
猶如月餅罐嘅鐵盒，原來每個都係由日本訂製返嚟，薄身且傳熱快，令燒完仲可保持蠔汁。做法跟足日本漁夫嘅土法，將生蠔放進鐵盒蒸架之上，加入清酒燒14分鐘。清酒煮滾變成蒸氣令生蠔開口，無明火咁猛烈，生蠔就可以燒到剛好肥美飽滿，嫩滑多汁，仲保持生蠔澎湃嘅海水味同強勁蠔鮮味！
🦪白蔥豬肉（鹽味）& 免治雞肉（醬汁味）串燒🦪
豚肉燒到少少焦香，肉質嫩腍有彈性，白蔥香味正好滲入豚肉內，湧岀陣陣香蔥味。
免治雞肉底層有少少甜味醬油浸着，入口甜中略帶微鹹，加上摻入少少雞軟骨，口感十足。啖咬落去爆哂汁好juicy，點埋生雞蛋食就更正！
總結，店內坐得舒服，店員超有禮貌，而且日廣兩語通行，又開住日本電視台，一秒以為自己去咗日本！
張貼
