銀龍咖啡茶座

營業中

休息中

行完魔鬼山 途經鯉魚門，想搵間茶餐廳，原來全個鯉魚門只得一家，就是這家銀龍咖啡茶座 。圃進場，員工示意素描安心出行二維碼，再提供酒精搓手液清潔雙手，態度友善殷勤。坐低睇見餐牌選擇不多 ，最矚目嘅就係蛋白腐乳西多士，個名好特別， 要咗兩份試下，再加2個芒果布丁，奶茶。西多士 做得真係好好味，外脆內軟，腐乳夾心嘅味道跟多士融合得天衣無縫，上面仲加左一塊牛油，配上煉奶，成件事變得好精彩，食過之後念念不忘。芒果布甸又係另一個亮點，啖啖芒果肉 又唔太甜，食完之後，再打包外賣兩個回家孝敬屋企人。奶茶都好得啊，滑一滑，濃淡適中，好滿意。不得不提，銀龍咖啡茶座給我的印象係所有嘢都一絲不苟，餐廳地方整潔，連廁所都好乾淨唔會濕漉漉，枱面嘅餐具，糖罌，煉奶樽都係非常整潔，而且員工服務態度友善， 我哋落單改來改去，員工都沒有怨言，這間小店真係超出曬所有茶餐廳嘅標準。