銀龍咖啡茶座

一間收藏好多香港警察物品的茶餐廳，茶餐廳在三家村區內比較有歷史和有名氣的一間小店！茶餐廳內部牆身貼滿店主同名人照片，看得出她很熱愛祖國！點餐時會比一張紙，內容大致上話本店人手不足，所以要耐心等候奉上食物！有國旗在廚房旁邊！我哋埋單走人時，仲送咗兩個鎖匙扣！雖然飲品偏貴，如飲品＄37，但食物都算正常價錢，爆場！記得名物有好似係腐乳西多士，幾特別！之前嚟食過佢哋嗰個芒果布丁，同埋通常都係食公仔麵，今次食咗沙嗲牛，朋友話啲沙嗲幾好味幾濃！區內唯1茶餐廳，如果唔係嚟食海鮮，就只可以來呢度醫肚！附近都有好多手信店，海鮮舖同埋出邊有個小球場！記得好多年前已經唔能夠借佢哋嘅廁所，因為佢哋好似個地基有問題，唔知問題解決未，又聽過話要俾成個百萬維修才能整返好個地基！但我見佢而家都好多人去！理論上應該整返好！呢個消息就要再確認！…查看更多

西多……. 西多。吃得出有誠意之作、唔係一般茶記預先做定、落單之後才即做、件西多內裏既熱力係事實、冇得扮即做。當你食過即做西多、就知道個分別。可惜冇分店係市區、如果有就好。…查看更多

幫手大型活動做車長，扶老携幼，幫手安排上落車嘅啫，其中一個點就喺嚟到鯉魚門食團餐。然而，因為座位所限，我哋有少部份人就需要另行安排午餐，其實晌海鮮街呢邊平平哋嘅選擇唔多 ，好似就喺得呢間「銀龍」，所以，簡簡單單喺度食餐晏。環境一眼望晒，典型茶餐廳格局，不過，就幾乾鮮企理，地方整潔:)，嚟得茶幾都知無咩太多服務可言，不過啲阿姐都幾好禮貌，又幾好傾，而霎眼望埋去都可以講喺區外客。呢度無乜飯餐碟頭之類，主要賣嘅都喺公仔麵、通粉，此外，所有嘢都喺散點，無話套餐、加配嘅組合，所以，計起嚟比出面茶記會貴咗一截。雙拼通心粉 $31睇嚟睇去都喺揀咗脆皮腸拼回鍋肉，因為都好耐無食過呢兩款食材，咪睇成碗通粉都紅噹噹，以為好辣，大家都知只喺罐回鍋肉嘅汁溝咗落去，所以，只喺微辣，但就幾惹味啲。老實講都喺啲現成嘢，所以，味道喺預期之內，最緊要啲通粉無過腍。至尊奶茶王 $22雖然改到個名都幾勁吓，不過，飲落又唔似預期咁犀利，查實個茶底都醇香嘅，口感都OK啦，但就唔會有咩驚喜感，個人覺得奶味偏重少少。因為都唔喺專登嚟食，所以，亦無乜期望，質素只可以講不過不失，但與一般茶記相比，因為無套餐嘅關係，定價會令人覺得偏高。…查看更多

2023年11月1日，好耐冇嚟，推介新出一人套餐，可以一次食到全部鎮店之寶，好聰明嘅菜單，包括一件豬手、一隻冰鎮飽魚，一口腐竹西多士，一個芒果布甸，一杯奶茶（冷熱飲同價）豬手好淋，夠入味👍，冰鎮飽魚有驚喜，味道好好👍，一口腐乳西多士夠特色，份量好好，大大粒，一個人食又可以試到腐乳西多士嘅滋味，又唔會太多太飽，最夾加錬奶，好味😋芒果布甸好好味，又唔會好甜，加埋花奶好滑，更加滋味，做飯後甜品好滿足👍今次第一次試菠蘿包，好驚喜，又夠熱，菠蘿皮又脆，係食過最好食嘅菠蘿包👍👍…查看更多

聽身邊朋友提起銀龍茶莊好似幾出名，一得閒即刻去試試價錢偏貴，但食物質素真係令我大失所望三文治難食，西多士冇料到其他嘢食同出面普通茶記差唔多我去嗰日我朋友咁啱咩住黃色背囊，即刻俾人問究竟係唔係黑暴，呢個背囊啫使唔使咁敏感？可唔可以俾返啲基本尊重一位客人？衛生環境去得茶記都預咗唔會特別好，但呢間真係有啲污糟，啲餐具好油好似未洗過咁，叫咗杯一定要試嘅港式奶茶，一啲茶味都冇，侍應嘅服務態度亦都偏差，真係有啲貼錢買難受…查看更多

聽講去鯉魚門除咗食過海鮮之外就真係要試吓呢一間茶餐廳，佢嘅招牌三寶分別有蛋白腐乳西多士、招牌奶茶王同埋芒果布甸，今日試咗其中兩款，另外再嗌咗個午餐肉烘豬仔包。西多士顧名思義就係西多士入面係查腐乳而唔係查花生醬或者其他嘢，老老實實第一次食鹹嘅西多士味道還可以啦，我個friend就話味道好夾，不過我自己就鍾意甜嘅西多士多啲。午餐肉烘豬仔包上枱嘅時候熱辣辣脆卜卜真係好好食，即叫即烘夠晒誠意。杯奶茶都幾好飲，奶同茶嘅味道又真係幾Balance。值得一提嘅就係侍應非常熱情兼有禮貌，一坐低就即刻用酒精消毒易幫我哋抹枱，非常衛生，真係難得。…查看更多

住了香港數十年，第一次到鯉魚門，打算看看那里的壁畫、天后宮及石礦場，不得不説這里很像離島但卻距離油塘地鉄不遠，真是個好地方！中午時因為沒有興趣光顧海鮮酒家，所以途經銀龍咖啡室時便進店吃午歺。由於是平日，所以人不多便找了一个卡位入座，在店里點了腐乳西多、豬手通粉、冰鎮鮑魚和招牌奶茶。豬手通粉豬手超淋超好吃。冰鎮鮑魚十分鮮味彈牙。招呼的女侍應人很nice,居然是義工！雖然地方不大，但整體而言乾淨整潔。2人吃了248元，口腹也很滿足！…查看更多

▫️以前去鯉魚門都是晚上吃海鮮，今天去特意下午到鯉魚門走了一轉三家村舊礦場及魔鬼山炮台。原來三家村除了有海鮮還有家這麼好吃的荼餐廳~ 必須推介一下給大家。▫️🍞腐乳蛋白西多士 💰港幣 $35西多士即叫即整，送到枱面還是熱烘烘的。原來腐乳和西多是如此匹配，咸咸香香很特別!很好吃! 而且麵包質感非常好，有一定厚度而且溫度控制剛好做到外脆內軟。難得來鯉魚門一趟，必須來一份哦!!▫️🍮自家制芒果布甸 💰港幣 $28真材實料的芒果布甸，每一啖都有切成一粒粒的芒果肉。職員也會準備一罐花奶罐任你用，完全唔吝嗇!▫️🧋奶茶涼粉冰 💰港幣 $35茶底香濃，絕對是高水準的奶茶，配上爽滑涼粉! 正~▫️🥭芒果多多 💰港幣 $45一喝就知是真材實料，芒果味超濃，炎炎夏日喝一口，非常爽!▫️🏃‍♂️鯉魚門一天游推介行程: 可以去路程適合新手的魔鬼山(約1小時) >> 銀龍咖啡茶座午餐 >> 吃飽行去三家村舊礦場 (約20分鐘) >>回家/在鯉魚門吃個海鮮晚餐。▫️總結: 推介大家放假可以到鯉魚門走一趟，就是市區旁邊小漁村的感覺~可以拍很多美美的郊遊照片。 也必須到銀龍咖啡茶座點一份腐乳蛋白西多士和來一杯芒果多多，行完山又餓又熱，吃完這兩個真的超級滿足!!!💃🏼…查看更多

食極都唔厭！侍應親切！食物真材實料👍👍👍！最難忘都係嗰腐乳多士！同埋個芒果布甸🥰🥰🥰今日放假專登搭船入嚟食！順便買下手信！見到好多懷舊店，變返以前細個玩嘅玩具🥰🥰可以同小朋友分享吓自己嘅童年!…查看更多

常常網上見到一間明言支持香港警察嘅撐警餐廳，常常都想找時間去睇下，去試下。琴日就捉左家姐去鯉魚門行下，走下，順道去試下。去到銀龍門口第一眼見到嘅係老闆娘Kate姐（紙板），入到去（必須打左針牙），地方細細但唔洗10分鐘都已經有位，入面嘅店員十分有善，好有禮貌，有空閒仲會同食客談天說地，見着四圍嘅設計（同警察有關），加上店員嘅有善服務，給我一種安全感美食方面，腐乳多士、熱奶茶同布丁是必須嘗試的。相信必定不會後悔。…查看更多

未去過鯉魚門，便同男友仔黎行下。行下行下4點幾便開始肚餓見到這間茶餐廳。門口有不少人排隊，我地都去排隊入座。餐廳主打腐乳蛋白西多士和手拉奶茶。我地都每樣叫左一份 :) 我很喜歡腐乳，見到西多士有腐乳味就好興奮但都驚中伏🙈。熱辣辣送到上枱，即叫即整! 腐乳味無我想像中咁濃(可能未必每個客人都似我咁重口味😆😆)雖然不是很濃但西多士咬落口卻有淡淡既腐乳蛋香味，不錯👍🏻。 奶茶正常，跟出邊茶餐廳味差不多。…查看更多

今日見冇乜嘢做入嚟鯉魚門嚟呢度食嘢😊因為平日一點幾冇乜人唔使等位😎原本諗住再嚟食「腐乳西多」😋但見到上一次好似未見過嘅「吞拿魚火腿西多」所以就試呢個啦😁配埋沙律醬好好食😋如果下次嚟應該會叫晒兩樣西多🥳…查看更多

我以為小小的海旁道應該好容易搵，但我來來回回走咗兩次都發雞盲，最後要打電話問路，原來要跟住行到尾。😅😅我點咗銀龍三寶，包括蛋白腐乳西多士、自家製芒果布甸、自尊奶茶王。蛋白腐乳西蛋士新鮮炸起，熱辣辣上枱，的確係好香嘅。西多士咸咸地又有牛油香，就略嫌唔夠腐乳香。總括都係好味嘅但好似貴咗啲！芒果布甸多芒果🥭，一罐花奶罐你淋，完全唔吝嗇，$28我覺得超值。我食完仲四4個返屋企😝奶茶係夠熱夠濃，但個人覺得唔夠滑。$20 ok啦。餐廳好乾淨，服務態度殷勤，整體體驗良好！…查看更多

第一次幫襯，餐廳非常潔淨衛生，檯面坐椅地板都好乾淨，沒有一般茶餐廳的油膩感覺，入座時阿姐拿酒精搓手液讓我們擦手，枱面已經很乾淨，但阿姐還是在我們面前用酒精再擦一遍，阿姐服務態度很好。點了奶茶和西多，奶茶一流，茶葉靚沒有苦澀味，腐乳西多外脆內軟，有獨特的咸香味，但我還是比較喜歡傳統的甜味，下次要試花生醬西多。外賣了芒果布丁回家吃，真材實料，真的很好吃。很開心發現了這一家很用心經營的茶餐廳，雖然沒有套餐，所以價錢比一般茶餐廳略貴，但一分錢一分貨，食物質量對得起這個價錢，以後還會再幫襯。…查看更多

天氣非常好，今日去石礦場影相打卡。朋友帶我去左鯉魚門銀龍咖啡茶座食下午茶。蛋白腐乳西多士 - 好香熱辣辣，老闆娘建議落埋煉奶，果然腐乳既鹹香同西多士好鬼夾，食到停唔到口煎蛋回鍋肉米粉 - 揀左一般茶餐廳無既回鍋肉，米粉好滑，回鍋肉少少辣，令到碗米粉好入味，又係一試難忘。至尊奶茶王 - 茶味重，奶味偏少，不過不失紅豆冰 - 差不多有半杯豆，d豆好綿，好好味老闆娘同服務員的態度好親切，服務好，落單快，一定會再次黎幫襯…查看更多