東京街日本料理 (西洋菜南街)

營業中

休息中

今日同朋友去旺角行街，朋友喜歡食日本菜，見到餐牌價錢相宜，就一於入去試吓~呢間餐廳有上下兩層，裝修係日本東瀛風，望一望餐牌，有小食刺身壽司熱食炸物等等，非常多選擇！首先叫咗前菜三點~有八爪魚螺肉同海蜇素翅~八爪魚大大粒，口感又Q又好食然後叫咗幾款刺身，甜蝦相當鮮甜，三文魚肥美，正！我同朋友都喜愛食壽司🍣，叫咗超級多款壽司特別推介嘅有花之戀: 肥美三文魚配上沙律醬，每一口都是滿足帶子壽司: 帶子非常大隻，又夠厚肉，鮮味十足！左口魚壽司：切得厚身，油香十足另外亦都叫咗天婦羅大蝦🍤粉漿夠薄身，肉質又夠彈牙，食落去唔會油膩北海道雪花牛肉鍋配烏冬牛肉落得夠多，湯底係受喜燒，再配上煙韌嘅烏冬，加上冬菇，豆腐，雜菜 健康得來又好食😋呢間餐廳價錢相宜，性價比甚高，喜歡食日本菜嘅你哋不要錯過！