極尚大瀛喜日本料理

營業中

休息中

今晚去咗元朗YOHO ，正當唔知食乜嘢時候見到有極尚大瀛喜，早鳥入去食都係二百幾蚊就即刻入去試吓啦，同一個商場食其他嘢都要呢個價錢。食放題叫一大盤刺身就必須。蟹腳、生蝦、三文魚、油甘魚、甜蝦、帶子都好新鮮。你仲有磯煮鮑魚、墨魚拼白蝦呢啲特別款式。不過最欣賞都係佢嘅北菇煮花膠、炸乳鴿、同埋佢嗰個海鮮蟹黃粥。熱食真係好好食。 佢啲創作壽司都唔差，想要返本就食多幾件大拖羅壽司，真係油香十足入口即化。最後仲要留肚食佢嗰啲Häagen-Dazs雪糕，真係食到捧住個肚出嚟，好鬼滿足。