大西洋海鮮火鍋

營業中

休息中

今日同朋友試咗一間火鍋店，店舖古色古香，充滿中國風。$268一位(全包）可以盡情享受2小時午市任食海鮮盛宴，真心抵！一入座就被即撈海鮮區吸引，羅士蝦、大蜆、鮑魚、蟹全部生猛，勁新鮮。湯底我哋揀咗花膠雞湯，一上枱就聞到濃郁嘅雞湯香氣，涮海鮮同肉類都加倍鮮味。海鮮自己撈自己煮，蜆肉鮮味蝦肉爽彈、鮑魚厚身鮮甜，蟹仲有滿滿蟹膏。湯底我哋揀咗花膠雞湯，一上枱就聞到濃郁嘅雞湯香氣，涮海鮮同肉類都加倍鮮味。QR code落單嘅款式很多，日本和牛及美國安格斯肩胛肥牛牛味濃郁；新西蘭小肥羊嫩而不羶。海鮮控必點海參，生蠔同海螺片，蠔肉飽滿creamy，螺片爽脆！仲有手工蝦滑同彈牙魚皮餃，連少見嘅精品腰花都處理得毫無異味。響鈴卷吸湯後脆中帶軟，正！ 另外，自助區有齊多款蔬菜、菇類及丸類。整體而言，呢個價錢可以任食高質海鮮、多款肉類、任飲飲品及雪糕，性價比高。