大西洋海鮮火鍋

營業中

休息中

北角呢間火鍋店幾有四川mood，任食邊爐一個人唔使三嚿水就有得任食兩粒鐘首先揀咗湯底先，花膠濃湯鍋底就啱晒大胃呢啲女人仔，補鈣補骨膠原，有紅棗同蟲草花等等，飲多兩碗先好開始淥嘢食作為社畜，第一輪嗌咗家畜先，打邊爐必叫肥牛，仲有羊肉同豬肉任嗌，厚切又大片仲有黃喉、腰花、豬腦、豬大膠、牛肚等等可以嗌，款式特別，每次嗌都大大碟呢間主打海鮮，好多選擇，有成條魚可以嗌，亦可以點蠔、蝦、鱔、鮑魚、魷魚、海螺等等，都幾鮮味，仲好足料，自己屋企打邊爐咁買法都唔平除咗掃QR code落單，都可以出去撈生勾勾嘅海鮮，有蟹、蝦、鮑魚、蜆撈，開心過撈金魚，即撈即淥熟咁食，嗰種新味難以忘懷竹笙、鵝腸、千張等等都可以落單，都係出面相對唔common嘅材料。除咗落單，出去自助區撈丸撈菜好多海藻類菌類選擇，非常健康外面有醬料區，可以自行混醬，有啲醬汁如腐乳、花椒油都比較少見等唔切啲嘢淥熟，都有熟食可以開住胃等食甜品方面除咗生果同雪米糍，竟然有得自己𢳂冰粉，今次真係要𢳂兩碗食，太開心喇飲品櫃有汽水、涼茶、啤酒、冷泡茶等一應俱全最特別係去雪櫃度有椰青拎，椰水好香甜

晚上，我跟朋友來到北角的大西洋海鮮火鍋去吃火鍋。😁餐廳裏面好多人 ☺這裡的火鍋湯底有經典的麻辣湯底、花膠雞湯、番茄鍋底和大骨湯等。我選擇了花膠雞湯湯底。花膠雞湯雞肉的鮮味與花膠的滑潤結合得恰到好處。每一口湯既有雞肉的鮮甜，又有花膠的獨特風味。醬料區海鮮這裡的海鮮選擇非常豐富。墨魚仔的肉質鮮嫩，生蠔則是鮮甜多汁。鮑魚仔則彈牙有嚼勁，蝦滑和魷魚鬚的口感也相當不錯。活生生的海鮮讓人感到新鮮，撈起來的蝦超鮮美。😆肉類牛小排的肉質柔軟，油花分布均勻，燙過後的口感更加滑順。鮮鵝腸的彈性十足，讓人吃得過癮。蔬菜餐廳還提供了新鮮的生菜、娃娃菜和白蘿蔔，這些蔬菜在火鍋中煮過後，吸收了湯底的精華，口感清脆，十分爽口。丸類(有海膽丸和龍蝦丸等) 飲品與甜品餐廳提供的飲品選擇相當豐富，任飲的汽水、茶飲和乳酸飲料都非常解渴至於甜品，豆腐花滑嫩，口感柔和，讓人心情愉悅；而乳酪則是清新可口，完美地為這頓火鍋餐劃上了一個圓滿的句號。

［📍北角｜大西洋火鍋店］大西洋火鍋真係可以用抵食黎形容，地點係北角地鐵站一出行3分鐘就到，地點超級方便。入到餐廳嘅環境都好舒適，坐嘅位置好寬敞。先揀湯底叫咗個菌菇鍋底，見到都幾足料有好多菌菇，而且湯底清清地，幾好！跟住QR code落單睇下有咩食，估唔到仲有咁多選擇，咁我就叫咗牛小排，蠔🦪，新鮮鵝腸，鮮蝦滑，同埋紅衫魚。牛小排幾有牛味，切得好薄，高質。蠔就粒粒勁大隻，好新鮮，同埋有甜味。新鮮鵝腸感覺到佢唔係雪藏嘅，勁爽口。鮮蝦勁足料，仲有好大舊蝦。估唔到仲要有魚食，有䱽魚同埋紅衫魚，咁淨係叫咗紅衫魚，細細條幾鮮甜。再講自助區，一行到過去有少少嚇親，估唔到有勁多椰皇，仲要係任飲，而且開嘅速度好快基本上唔使等，飲四五個都抵返晒。再行前啲有個魚缸，入邊有蝦、蟹、鮑魚同埋蜆，全部都新鮮識郁嘅，蟹仲要有三款俾你揀，有三點蟹，花蟹同埋大閘蟹。蜆就全部勁大粒。熟食區有焗蠔，炒飯同埋大閘蟹，仲有啲麻辣雞腎，麻辣木耳等等嘅冷盤。仲有啲炸物呀，烤榴連等等。蔬菜區有好多選擇，好多都好新鮮，綠油油咁。丸類既選擇都好足夠。甜品有雪條，泡芙，同埋糯米糍。二百幾蚊可以食到生猛海鮮真係好抵，而且仲有咁多熟食同埋甜品，

大西洋火鍋是一家以宮廷風格設計、主打重慶火鍋的火鍋放題餐廳。餐廳特色包括即撈生猛海鮮（如蟹、鮑魚、海蝦等），以及多達百款火鍋配料和飲品，餐廳環境寬敞舒適，適合聚餐。自助吧無限供應即撈生猛海鮮、特選火鍋配料等。晩市火鍋放題包括掃碼點餐肉類、配菜自取，無限量任食即撈生猛海鮮包括蟹、鮑魚、海蝦、羅氏蝦、沙白等，火鍋配料、熟食、甜品和飲品。湯底有五款選擇：花膠雞風味、菌菇湯底、大骨湯、番茄湯鍋和經典麻辣湯。花膠雞鍋非常鮮甜濃郁，湯底帶有濃厚的雞湯香氣與花膠的膠質感，喝起來順喉不乾澀，且有滋補效果。即撈生猛海鮮好新鮮，味道鮮甜。熟食提供的大閘蟹、羅氏蝦、焗榴槤都極受歡迎。美國安格斯肩胛肥牛、荷蘭天然五花腩片：肉質鮮嫩。鮮鵝腸、墨魚仔、海參和竹笙好爽口蝦滑、生蠔、黃立䱽等係必食。冰粉和雪糕都是必食的甜品。

即撈海鮮重慶火鍋放題店「大西洋火鍋」登陸北角！中國宮廷風古色古香設計😋🦐🐙🦞2小時任食生猛海鮮＋近百款食材 椰青及2款青島啤酒暢飲🍲五大招牌湯底花膠雞風味 / 菌菇湯底 / 大骨湯 / 番茄湯鍋 / 經典麻辣湯今次嘅任食自助火鍋體驗令我印象深刻，提供咗多樣嘅高質食材👍🏻😍😋嫩豆腐嘅口感滑嫩，十分適合同湯底搭配，令每一口都充滿咗豆香。😋日本和牛嘅肉質極為鮮嫩，油花分佈均勻，輕輕一烤就散發出誘人嘅香氣，令人無法抗拒。😋響鈴卷嘅外酥內嫩，搭配生蠔嘅鮮甜，令我感受到海洋嘅味道。😋蝦滑超彈牙，黑魚片同海螺片則為火鍋增添咗層次感。😋荷蘭天然五花腩片嘅肥瘦相間，口感極佳，而紐西蘭小肥羊同美國牛板腱則展現咗唔同嘅肉質風味。😋大骨湯鍋底清淡但富含鮮香，完美襯托出各種食材嘅風味。Overall, 今次嘅自助火鍋唔單止食材新鮮，仲可以滿足唔同口味嘅需求，絕對值得推介😍😍😍👍🏻大西洋海鮮火鍋 (北角)📍北角英皇道395號僑冠大廈地下28-31號舖@daxiyanghotpot#Hannahbaby2021 #Haileybaby2022 #親子 #親子好去處 #親子活動 #好物分享 #香港bb #大西洋火鍋

今次去到北角去試個即撈海鮮重慶火鍋, $298有2小時任食生猛海鮮+近百款食材配料, 仲有青島啤酒暢飲。五大招牌湯底選擇:花膠雞風味/菌菇湯底/大骨湯/番茄湯鍋/經典麻辣湯今次叫咗個鴛鴦鍋, 係花膠雞風味+大骨湯。主食用QR code落單, 當中包括日本和牛、美國牛板腱、紐西蘭羊肉、生蠔等多種靚食材。日本和牛肉質極為鮮嫩, 油花分佈均匀, 入口即溶。生蠔鮮甜, 令我感受到海洋嘅味道。蝦滑超彈牙、黑魚片同海螺片則為火鍋增添佐層次感。呢度仲有海參, 口感煙韌彈牙。小肥羊同美國牛板腱肉質超好。

大西洋火煱餐廳位於港島北角英皇道395號僑冠大廈地下,餐廳裝修簡約以紅色為主調,座位寬敞用餐舒適,餐廳主打即撈海鮮重慶火煱放題,免湯底費和加ー服務費,服務員招呼熱誠有禮。即撈海鮮重慶火鍋放題自助餐湯底有五款供客人選擇,我和朋友選擇左菌菇煱底,係用多種菌菇餚製,菌菇味濃,湯底清甜,不肥膩。用QR code落單,食物選擇繁多,肉類選擇左胸牛肉,日本和牛,胸牛肉口感爽彈,和牛肉味濃,口感爽滑,海鮮類選擇左蝦滑,生蠔,海蔘,墨魚,黑魚片,還有竹笙,海蔘口感腍滑,蝦滑爽口兼彈牙,黑魚片好嫩滑。海鮮區即撈有蝦,鮑魚和蜆,蝦好生猛,口感爽彈,鮑魚新鮮大大隻,口感彈牙,蜆都好大隻,展落無沙又鮮甜。自助區款色繁多,有鮮菇,丸類,蔬菜.各種汽水,啤酒都有,椰汁水,冷盤,熱盤都有,蔬果龍眼,雪糕和雪條等。

第一次寫食評，因為見到網上面評價不錯所以黎，免得其他人中伏所以要寫。環境坐得不舒服實在太迫，食物飲品種類太少了，而且完全無服務員理你的感覺。最最嚴重是自撈海鮮區，完全無人幫你洗，等到有個姐姐幫我洗，她完全係求其洗，一出黎同我講你無鮑魚就咁沖水就可以，但我有夾囉唔該！最後食的個d螺鮑魚全部都係沙，食完個碗又係沙無晒胃口。唯一覺得讚的係榴槤，又大隻又甜，唯一覺得抵食，但個衛生，仲有地下好濕，唔會黎亦唔建議黎。

$298火鍋任食兩個鐘，最正係海鮮係即撈！鮑魚、蟹、蜆、大頭蝦都有。自己拎個桶出去魚缸撈，大頭蝦仲扎扎跳架，勁新鮮！出面仲有一大堆火鍋配料任你揀，掃個 code 落單，豬牛羊都有，連日本和牛都係任食，真係冇得輸！除咗鍋料，熟食、甜品、生果都包晒。竟然仲有：大閘蟹、榴槤撻、紅糖糍粑、冰粉，全部都試咗一啲，好滿足！我哋叫咗鴛鴦鍋，一邊係花膠雞湯底，另一邊係經典麻辣湯。麻辣夠辣夠惹味，花膠雞湯就超香濃，好啱煮海鮮同菜類。飲品選擇都好多，仲有啤酒任飲。地點超方便，以$298嚟講，任食海鮮+和牛+啤酒，真係性價比之選！

今次同朋友試咗銅鑼灣呢間火鍋放題，$298全包真係幾抵食。重點推介佢哋嘅花膠雞湯底，一上枱就聞到濃郁雞湯香氣，湯色金黃透亮，飲落去鮮甜順喉，完全冇味精嘅口渴感。湯底入面真係有大大塊花膠，煮耐咗會釋放出膠質，令湯頭更加綿滑。我哋特登留咗碗淨湯飲，鮮味十足，連平時唔飲湯嘅朋友都飲咗兩碗！海鮮方面，鮮蝦肉質結實彈牙，蜆肉鮮甜冇沙，蟹件仲見到橙紅色嘅蟹膏，簡單淥一淥就已經好夠味。牛肉方面，美國肥牛油花分布均勻，輕輕一淥就食得，肉味濃郁得來唔會太膩。 服務都幾貼心，換碟加湯都好快手。以呢個價錢食到咁嘅質素，確實難得，特別係個花膠雞湯底，絕對係回頭嘅理由！ 最抵讚係明碼實價，冇隱藏收費！出面火鍋店淨湯底都收你百幾，呢度連加一都免埋！

真心未食過一啲放題任食係咁難食蜆是臭的，有啲丸變壞的，小龍蝦個頭黑色的，啲蟹細只到無倫….仲要最初打去問佢係咪無限時放題，個姐姐同我講話係。結果去到無啦啦食到兩個鐘老闆娘俾張單叫我買單冇問題，因為食啲丸已經飽同埋真係冇乜心機再食其他嘢，因為真係冇嘢好食，但係係咪應該講過就要算數？咁嘅食物質素，有限時， $150都比多佢

發現性價比高的火鍋放題，120分鐘任點、任食、任飲也只需200多，價格視乎不同時段，而且免收加一。就算在最貴時段，活海鮮任撈也只$298，非常超值，值得推介！宣傳單張還印著中小學生及長者9折；5歲以下小童免費。湯底有五款，這家是重慶火鍋，固然有麻辣湯底可選。我們不嗜辣，選擇了花膠雞湯。自助區有多款丸、腸、蔬菜和菇類等。游水海鮮任撈區有蝦、蟹、鮑魚和沙白，掃碼點餐裡面尚有其它海鮮，例如原條紅衫魚、鯧魚、生蠔、海蔘等。原條魚和海蔘在其它火鍋店較少見呢👍🏻肉類選擇有豬、牛、羊，還有多款內臟，如雞子、豬腦、豬黃喉等。熟食區有炒飯和多款已烹調好的海鮮，正合懶拆新鮮蟹的我。飲品方面，有椰子水、汽水、多款無糖茶飲，特別推薦無糖茶，相當有茶香。甜品自助區有雪糕、雪條、糯米糍、泡芙等。總結是性價比超高，只2百多可以任撈海鮮，真心抵食！

古式古香的佈置, 加上主打自撈海鮮的特式火鍋店, 先來個鴛鴦鍋底, 花膠雞湯和蕃茄濃湯湯底, 確實不錯, 然後就在魚池撈他的鮑魚、蟹、大蜆和各款大頭蝦, 原來QR Code也有不少海鮮可點, bb鲍、生蠔、海參、墨魚仔和幾款魚, 當然不能少的安格斯肥牛、新西蘭肥羊和荷蘭五花腩片, 最特別更有日本和牛, 每款都是任點任食, 實在是食肉獸的喜訊, 而飲品選擇也很多, 有自製陳皮洛神花茶、啤酒和各款果汁、汽水等, 另外更有不少甜品包括豆腐花、啫哩、乳酪與及各式冰條實在是琳瑯滿目, 令人食不停口。

最近去了北角一間主打 「海鮮任食火鍋」的餐廳。每位 $298 就可以體驗親自揀海鮮的樂趣！見到生猛海鮮池，有游水螃蟹、爆膏大頭蝦、鮮甜鮑魚、肥美蜆，還可以另叫生蠔等，選擇不少喔！ 🌶湯底揀咗招牌麻辣鍋，一上枱花椒同辣椒嘅香氣撲鼻，越煮越入味！🫕 🦀螃蟹鮮甜，🦐大頭蝦蝦膏澎湃，🌊鮑魚爽彈、🐚蜆完全沒有沙！🐮肥牛片涮煮後，掛滿麻辣湯汁，完全不用蘸醬油都夠濃郁！🍜最後一定要加個出前一丁，麵條吸盡精華，再加幾滴麻油，邪惡至極，但真的忍不住食光！😋 必食推介👏👏

今日放工和男朋友即席搵左間打邊爐放題，主打海鮮好吸引，店入面走中國宮廷風style，有feel😗一入座店員拎咗個桶過嚟，等你即場撈海鮮，有花甲、蟹、鮑魚、蝦，全部生猛到不得了🤣🤣撈完即刻恰，樣樣都鮮味爆棚，特別係個鮑魚🤤，食完又可以再撈🙈🥳湯底方面我地揀咗花膠雞湯，清甜滋補，補補骨膠原，配搭海鮮同牛都好match👏🏻特別想講入面仲有日本和牛，肉質嫩到入口即化，牛味濃郁，恰幾秒就食得😍自助區火鍋的料又係好豐富，蔬菜、菇類、丸類樣樣齊全，仲有好多炸物同小食，連烤榴槤都有😂😂勁呀 最後唔少得甜品，泡芙、豆腐花，雪糕雪條，仲有唔同既水果🥭🍌個肚真係滿載而歸