Outdark (飛達商業中心)

營業中

休息中

慶祝朋友生日選擇了韓國菜，這餐廳人氣、口碑高企，所以好期待去試試。當日平日book左晚餐7點，用餐時間1.5小時，一入坐見到座無虛席，餐枱同椅都特別高嘅設計。海鮮炒年糕大大盤，份量十足，炸魷魚好好食！脆口而且啖啖肉，魷魚唔會靭，炸得恰到好處！炸魷魚底部係配菜同年糕，熱住食煙靭嘅年糕好正，配菜超入味，周圍還有菠蘿，泡菜，紫菜飯，同芝士。泡菜煎餅好多三色椒同洋蔥絲在煎餅上，有少少蓋過泡菜嘅味道，但整體味道好食。香蒜蜜糖炸雞（全份）份量都多，可惜主角炸雞肉質炸得比較乾，有種外硬内乾嘅感覺。薯條唔夠脆，格格脆就中規中舉。藍檸檬梳打🍹只是外表藍色特別，感覺只係凍檸檬水。整體可能過高期待，炸雞沒有想像中好食，但環境坐得舒服。